JANUERI 17, 2023| IROGO VOU: EPERELI 17, 2023
RUSIA

IROGO VOU—TOTOGITAKI | “O Jiova e Sega Vakadua ni Biuti Au”

SARAVA/ROGOCA

Ena ika17 ni Epereli 2023, e kaya na mataveilewai na Metallurgicheskiy District Court of Chelyabinsk mai Rusia ni cala o Sister Olga Zhelavskaya. E vakatatabutaki me rua na yabaki. Ena sega ni biu e valeniveivesu ena gauna qo.

Kena iTukutuku

Olga Zhelavskaya

Sucu: 1962 (Potapovo, Yasayasa o Chelyabinsk)

Me baleti koya: E dau vakavinakataka na liva

E sotavi ira na iVakadinadina i Jiova ena gauna e vulica kina na iVolatabu e dua nona itokani. E saumi nona lomatarotaro me baleta na mate, kei na Kalou. Papitaiso sara ena 2012

Ka e Tukuna

Na itukutuku cava ena iVolatabu e uqeti iko?

Na imatai ni gauna e rogoci kina noqu kisi, e tukuna vei au e dua na tacida tagane meu vakasamataka nona ivakaraitaki na parofita o Jona, kei na ka e sotava e vakaraitaki ena vidio Na iTalanoa kei Jona—Vulica na Yaloqaqa kei na Yalololoma. A rere me tukuna na itukutuku ni veilewai i Jiova vei ira na kai Ninive. Ni curu ena koro, e tukuna tiko ga e ra na itukutuku ni veilewai. Toso na gauna sa qai doudou na vosa. E uqeti au sara ga nona ivakaraitaki o Jona. Na ituvaki dredre au sotava qo e vaqaqacotaka dina noqu vakabauta kei na vosovoso. Au vakasamataka tu ga ni o Jiova e sega vakadua ni biuti au, au sega tale ga ni rerevaka e dua na ka.

Se mani ituvaki cava eda sotava eda nuidei nida na “sega vakadua ni yavalati,” ena tokoni keda tu ga o Jiova.—Same 16:8.

Veitaravi ni Gauna

June 16, 2018

Era biuta lo na vakailesilesi na itaba ena vale nei Olga, ra katona lo tale ga na ka e cakava
Maji 26, 2019

Caka na vaqaqara e nona vale ena vuku ni nona vaqaqai o Brother Vladimir Suvorov
Okosita 31, 2021

Tekivu vaqaqai. E beitaki ni tokona tiko na isoqosoqo e vakavuna na tikoyavavala ni caka na soqoni e nona vale
Okotova 22, 2021

Tauvi koya na strouk qai curu e valenibula
Seviteba 28, 2022

Tekivu veilewai

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU