OKOTOVA 26, 2022 | IROGO VOU: NOVEBA 22, 2022
RUSIA

IROGO VOU—TOTOGITAKI | “Veitokoni ga i Jiova Au Vosota Kina na Veika Dredre”

SARAVA/ROGOCA

Ena ika21 ni Noveba 2022, e kaya na mataveilewai na Asha City Court of the Chelyabinsk Region mai Rusia, ni cala o Brother Andrey Perminov. E rube na nona kisi me ono na yabaki. Ena sega ni curu e valeniveivesu ena gauna qo.

Veitaravi ni Gauna

June 11, 2021

Caka na vaqaqara ena lima nodratou vale na tacida, wili kina na vale nei Andrey ena siti o Asha kei Minyar. Ra qai kauta na vakailesilesi eso na ka ratou taukena.
Noveba 10, 2021

Vakatabui me veilakoyaki
Epereli 27, 2022

Beitaki ni lewena tiko na isoqosoqo e vakavuna na tikoyavavala, qai okati na yacana me dua na batikadi
June 6, 2022

Tekivu na veilewai

Kena iTukutuku

Andrey Perminov

Sucu: 1972 (Asha)

Me baleti koya: Ni se gone, e bulabula vinaka, ia toso na gauna e tauvimate, vakavuna me dabe tu ga ena idabedabe qiqi. Ni biu vuli, e daunifika ena nodra isoqosoqo na vakaleqai na ituvaki ni yagodra. Gauna qo, e dau porokaramutaka na kompiuta, qai cakacaka tiko ena dua na website

Ni se gone, e lomatarotarotaka na inaki ni bula. Ena 1995, e vulica na iVolatabu kei ira na iVakadinadina i Jiova. Papitaiso ena 1999. Rau vakamau kei Natalya ena 2015

Ka e Tukuna

Na ivakaraitaki cava ena iVolatabu e vakayaloqaqataki iko?

Dua na gauna tiko ga qo, e qiriti au mai na dauveivaqaqai qai kaya niu beitaki ena basulawa. Au yalolailai sara ga qai lomaleqa. Ia na siga vata ga qori, keirau wilika vakaveiwatini na ka e yacovi Tevita ena gauna era ravuti Sikilaki kina na Amalekaiti, qai kauti ira vakavesu na tiko kina. Gauna ya, ‘e tagi vakadomoilevu o Tevita, . . . e oti sara ga na [nona] igu ni tagi. Dina ni ‘rarawa vakalevu, . . . e vakaukauataki koya ga ena vuku i Jiova na nona Kalou.’ (1 Samuela 30:4, 6) Au vakadeitaka ena nona ivakaraitaki, ni veitokoni ga i Jiova au vosota kina na veika dredre. Ke da mani vakaucacataki se sotava na ituvaki dredre, ena vukei keda tu ga o Jiova.

Me vakai Andrey, e rawa ni vakayaloqaqataki keda na sala e tokoni ira kina nona dauveiqaravi yalodina o Jiova ena veigauna sa oti. Eda nuitaka na nona yalayala: “Me vaka au dau cakava, au na keveti kemuni, au na roqoti kemuni, au na vakabulai kemuni.”—Aisea 46:4.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU