16 FEPERUERI, 2022 | IROGO VOU: ME 10, 2023
RUSIA

IROGO VOU—TOTOGITAKI | Vosota o Brother Ivan Shulyuk na Veivakacacani

SARAVA/ROGOCA

Ena ika10 ni Me 2023, e kaya na mataveilewai na Nazarovo City Court of the Krasnoyarsk Territory ni cala o Brother Ivan Shulyuk. Ena rube tu nona kisi me vitu na yabaki. Ena sega ni curu e valeniveivesu ena gauna qo.

Veitaravi ni Gauna

18 June , 2020

Era vaqaqara na ovisa vakaiyaragi ena nodrau vale na Shulyuk, ra qai vesuki Ivan
19 June , 2020

E vakataulewataka na mataveilewai me biu e valeniveivesu o Ivan me wawa veilewai
9 Julai, 2020

E sereki qai vakatabui me veitaratara kei na dua e sega ni tiko e nona vale. E vakatabui me biuta nona vale ena 6 na kaloko ena mataka me yacova na 11 ena bogi. E sega ni rawa ni cakacaka ena vakatatabu qo
14 Okosita , 2020

Era saga na dauveivaqaqai me vakabalavutaki na nona vakatatabutaki. Ia e sega ni vakadonui qori ena vuku ni nona itovo vinaka. Era bokoci e levu na ka e vakatatabutaki kina
17 Okosita , 2020

E vakatabui me gole ina dua tale na vanua
15 Seviteba , 2021

Tekivu veilewaitaki

Kena iTukutuku

Ivan Shulyuk

Sucu: 1976 (Nazarovo)

Me baleti koya: Rau mate nona itubutubu ni se qai yabaki 14. E rua na ganena, rau qase vei koya. E mate o tukana ni vesu tu ena vuku ni nona vakabauta. E vakau vakaukaua o buna i Siberia

E cakacaka vakapalama (plumber). E dau taleitaka na cakava eso na ka e tautuba me vaka na vaqara mushroom kei na siwa

Papitaiso me iVakadinadina i Jiova ena 1994. Rau vakamau kei Yuliya ena 2002

Ka e Tukuna

O vosota vakacava na ituvaki dredre qo?

Ni se qai tekivu, au leqataki watiqu, ira ena ivavakoso kei ira na mataveitacini e caka tale ga e nodra vale na vaqaqara. Au lomaleqataka na veika ena rawa ni yaco. Niu tu e valeniveivesu, au sega sara ga ni vakabauta ni na yacovi au na ituvaki qo.

Ia au vulica me donu tiko ga na noqu rai. Se mani vakacava na ituvaki dredre eda sotava, ena tiko ga na gauna ena oti kina.

Na tikinivolatabu cava e vakayaloqaqataki iko?

E vukei au vakalevu na vosa e cavuta o Ilaisa ena 2 Tui 6:16, vakabibi ena gauna au vesu tu kina. Au nanuma niu tu taudua qai rui dredre na ituvaki au sotava. Ia e vukei na tikinivolatabu qo meu nanuma nira “lewe levu era tiko vata kei [au], era lewe lailai ga era tiko vata kei ira.” Qori e vakayaloqaqataki au sara ga.

Eda marau ni “kila o Jiova na sala me vakabulai ira kina era qarava na Kalou nira vakatovolei.”—2 Pita 2:9.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU