1 EPERELI, 2022
RUSIA

IROGO VOU | Totaka na Yaca ni Kalou o Brother Sergey Belousov

SARAVA/ROGOCA

Ena ika30 ni June 2022, e sega ni vakadonuya na Tomsk Regional Court mai Rusia, nona kerekere o Brother Sergey Belousov. Ena sega ni biu e valeniveivesu ena gauna qo.

Ena ika14 ni Epereli 2022, e kaya na mataveilewai na Seversk City Court of the Tomsk Region mai Rusia, ni cala o Brother Sergey Belousov. Ena vakatatabutaki me tolu na yabaki.

Veitaravi ni Gauna

14 Julai, 2020

Era curuma na vakailesilesi ni FSB e vitu nodratou vale na tacida, wili kina nodratou vale o Sergey. E vakalecaleca e dua na vakailesilesi ni matanitu me vulica na iVolatabu e qai katona lo na soqoni ni bera ni caka na vaqaqara
25 Maji, 2021

Tekivu veilewaitaki
30 Maji, 2021

Yavutaki na ka e beitaki kina ena katokatoni a cakava e dua na vakailesilesi ni matanitu e vakalecaleca. E beitaki tale ga ni vakaitavi tiko ena ka ni lotu ni vakayagataki na videoconference, okati kina na lagasere kei na masu vei Jiova

Kena iTukutuku

Sergey Belousov

Sucu: 1978 (Esil, Kazakhstan)

Me baleti koya: Susu ena vuvale dau taleitaka na ivakatagi. A cakacaka ena veika vakalivaliva, e manidia tale ga ena vanua e caka kina na waiwai kei na kasi (petrochemical plant). Toso na gauna, e daunipeleni sara. Rau vakamau kei Svetlana ena 1999. E dua na luvedrau yalewa

E sotava ira na iVakadinadina i Jiova ena 2001. E vulica ena iVolatabu ni yaca ni Kalou o Jiova, e saumi tale ga na taro e dau vaqaqa tu. Papitaiso ena 2002

Ka e Tukuna

Sala cava era vukei iko kina na mataveitacini kei ira na wekamu?

Era sega vakadua ni guilecavi keitou vakaveitamani. Oti na vaqaqara, ena siga tarava ga era gole mai kei ira na wekai keitou mera mai veivakacegui. E tauri kece na neitou iyaya vakalivaliva, e sega ni rawa gona me keitou wilika na iVolatabu. Era mani kauta mai na nodra iyaya vakalivaliva me keitou wilika kina na iVolatabu kei na ivola vakaivolatabu. Qori e vaqaqacotaka dina na neitou vakabauta.

Cava e vukei iko mo vosota?

Au dau kaya tu ga se mani cava e vakataulewataka na mataveilewai, eda na qaqa tiko ga e mata i Jiova. E sega ni vinakati me dua na noda loya vinaka, e vinakati ga me qaqaco tiko noda veiwekani kei Jiova. E sega ni dua na noda cala. Eda donuya tu qo e dua na gauna vakatubuqoroqoro. E ka dokai meda tokona na vakarokorokotaki ni yaca ni Kalou! Eda sega ni gole ina mataveilewai me kilai kina ni donu na ka eda cakava. Eda gole ga meda totaka na yaca i Jiova.

Me vakai Sergey eda lagita tale ga na yaca i Jiova, qai nuidei “ni na vakalevutaka na nodra kaukaua na nona tamata.”—Same 148:13, 14.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU