OKOTOVA 5, 2021
RUSIA

IROGO VOU | Uqeti Brother Vitaliy Omelchenko Nodra iVakasala na Tacida

SARAVA/ROGOCA

Ena ika22 ni Seviteba 2022, e kaya na mataveilewai na Oktyabrskiy District Court of Murmansk mai Rusia, ni cala o Brother Vitaliy Omelchenko. E totogitaki me sauma e $9,526 na ilavo ni Merika.

Veitaravi ni Gauna

Janueri 29, 2021

Tekivu dikeva na mataveilewai na nona kisi
Janueri 20, 2020

Vakatarogi vei ira na vakailesilesi. Vesu tu me rua na siga, oti sa qai sere. Vakatabui me vosa vei ira era okati vata ena nona kisi, kei na vakayagataki ni internet
Tiseba 23, 2019

Beitaki ni daubasulawa vei ira na vakailesilesi ni Investigative Committee of the Russian Federation for the Murmansk Region. Era kaya ni cala nona caka lotu tiko e nona vale

Kena iTukutuku

Vitaliy Omelchenko

Sucu: 1979 (Roslyakovo, Yasayasa o Murmansk)

Me baleti koya: E taleitaka na danisi e vakatokai na ballroom dancing, vakasisisi ena waicevata, kei na lagasere. E lewena tu na mataivalu me rua na yabaki.

Ena 2000, e vulica na iVolatabu kei ira na iVakadinadina i Jiova. Papitaiso ena 2001. Rau vakamau kei Natalya ena 2013. Ena yabaki tarava ga, e tauvimate bibi o Natalya. E lokiloki tiko ena gauna qo

Ka e Tukuna

Cava era tukuna eso e vukei iko mo vosota na ituvaki dredre o sotava?

Dua na tacida e vaka sara ga na tamaqu a volavola mai vei au ena gauna e vesu tu kina. E kaya: “Daru dau veitalanoataka ena veigauna sa oti ni bibi me daru yaloqaqa, doudou, dei, yalodina, qai nuitaki Jiova. Me daru kua tale ga ni vakatitiqataka ni na vukei kedaru o koya. Qo sara ga na gauna me daru vakaraitaka kina qori.”

Cava e vukei iko mo dei ni o vakaucacataki?

E kaya na Maciu 5:11 nida na “vosavakacacataki.” Qori e vukei au sara ga meu vosota na itukutuku lasu e tukuni me baleti au ena gauna ni veilewai. Au vakasamataka ni o ira na veibeitaki tiko vakailasu qo era ka somidi sara ni vakatauvatani kei Jiova.

Cava o via tukuna vei ira eso mera vakarautaki ira ena veivakacacani?

Masuti Jiova me solia vei iko na yaloqaqa, mo nuitaki koya tale ga ena ka lailai mada ga. Kua ni dau calata na soqoni, qai vakaitavi kina. Mo vakaitavi tale ga kei ira na mataveitacini ena cakacaka vakavunau. Gauna eda sotava kina na veivakacacani, era na volekati keda tiko ga na tacida.

E vakila na vakacegu o Vitaliy ni muria na ivakasala ena iVolatabu. E uqeti keda qori meda muria tale ga na nona vakaraitaki.—Roma 15:4.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU