TISEBA 8, 2022 | IROGO VOU: FEPERUERI 15, 2023
RUSIA

IROGO VOU—VAKALAILAITAKI NA ITOTOGI ILAVO | Vakadeitaka Nona Veitokoni o Jiova

SARAVA/ROGOCA

Ena ika13 ni Feperueri 2023, e vakalailaitaka na mataveilewai na Supreme Court of the Chuvash Republic na ilavo me rau sauma o Sister Nina Martynova kei Sister Zoya Pavlova. Rau sa na sega ni sauma e $4,780 na ilavo ni Merika, ia rau sa na sauma ga e $1,092. Rau se vakatatabutaki tiko ga o Brother Andrey Martynov kei Brother Mikhail Yermakov.

Ena ika22 ni Tiseba 2022, e kaya na mataveilewai na Alatyrskiy District Court of the Chuvash Republic ni ratou cala o Andrey, Nina, Zoya, kei Mikhail. E totogitaki o Nina kei Zoya me rau sauma e $4,780 na ilavo ni Merika. Rau vakatatabutaki me ono na yabaki o Andrey kei Mikhail. Ratou na sega ni biu e valeniveivesu ena gauna qo.

Kedratou iTukutuku

Andrey Martynov

Sucu: 1964 (Barnaul, Yasayasa o Altai)

Me baleti koya: E dau draiva ena nodra motoka na vakaitutu

Ni bera ni rau vakamau kei Nina, rau sa vulica na iVolatabu. Oti rau vakamau qai papitaiso ena 1992. E rua na luvedrau yalewa

Ka e Tukuna

Cava e vukei iko mo nuitaki Jiova tiko ga?

Keu lomatarotarotaka e dua na ituvaki, au na vakasamataka ni o Jiova e iliuliu ni dua na vuvale levu. E kila e levu cake na ka vei au, qai dua na ka na vuku e tu vua. E vaka na tama vinaka ni dusimaki keda na lewe ni nona vuvale. Au marau niu muria nona veidusimaki, qai saga ena noqu vinaka kece meu muria tiko ga. Niu raica na sala e vukei au kina meu vosota na lomabibi ena gauna au vaqaqai kina, e vakanuideitaki au ni kila vinaka tu o koya na ka me cakava. E vaqaqacotaka tale ga noqu veiwekani kei koya.

Zoya Pavlova

Sucu: 1965 (Ibresi, Chuvash Republic)

Me baleti koya: E luveniyali ni yabaki rua. Cakacaka ena tabana ni veivakavaletaki kei na bolecakacaka ena itikotiko. Sa vakacegu ena nona cakacaka

E vulica na iVolatabu ena 2016. E uqeti koya na loloma i Jiova kei na nona nanumi ira na kawatamata. Papitaiso ena 2018

Ka e Tukuna

Sala cava e tokoni iko kina o Jiova ena gauna dredre qo?

E dredre sara ga vei au vakabibi na gauna ni veivaqaqai. Ia qori sara ga na gauna au vakila kina na veivuke i Jiova. E tokoni au qai vakacegui au me vaka e yalataka ena Aisea 41:10. Au vakavinavinakataka tale ga na nodrau vukei au tiko qo e dua na veiwatini. Rau vaqaqai tale ga qai sotava na veika dredre. Ia keitou dau sokalou vata vakavuvale e veimacawa. E veivakayaloqaqataki dina neitou dau veimaliwai. E levu na ka dredre au na rawa ni sotava, ia au vakadeitaka meu kua ni soro ni tokoni au tiko o Jiova.

Dina ni ratou vakacacani na tacida qori, ia ratou dei tiko ga. Eda nuidei tale ga se mani ituvaki cava eda sotava eda na rawa ni “yalodei me vaka na laione” ni na tokoni keda o Jiova, ena lomani keda tale ga.—Vosa Vakaibalebale 28:1.

Veitaravi ni Gauna

June 23, 2021

Caka na vaqaqara ena nodra vale eso na tacida e Alatyr
Okotova 28, 2021

Tekivu vaqaqai o Andrey ni beitaki ni tuvanaka tiko na cakacaka ni isoqosoqo e vakavuna na tikoyavavala. Vakatabui me veilakoyaki
Epereli 25, 2022

Beitaki ni cala o Andrey. E okati tale ga o Nina ena kisi qori, qai beitaki ni vakaitavi tiko ena isoqosoqo e vakavuna na tikoyavavala
Epereli 26, 2022

Okati o Zoya ena kisi qori, qai beitaki ni vakaitavi tiko ena isoqosoqo e vakavuna na tikoyavavala
Epereli 28, 2022

Okati o Mikhail ena kisi qori, qai beitaki ni vakaitavi tiko ena isoqosoqo e vakavuna na tikoyavavala
Okosita 31, 2022

Tekivu na veilewai

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU