OKOSITA 13, 2021 | IROGO VOU: MAJI 6, 2023
RUSIA

IROGO VOU—VAKALAILAITAKI NA ITOTOGI | Nuitaki Jiova tu ga o Brother Baranov kei Brother Li

SARAVA/ROGOCA

Ena imatai ni Maji 2023, e vakalailaitaka na mataveilewai na Khabarovsk Territory Court na nona itotogi o Brother Yegor Baranov. Ena vakatatabutaki me va veimama na yabaki. Ena sega ni biu e valeniveivesu ena gauna qo.

Ena ika6 ni June 2022, e kaya na mataveilewai na Vyazemskiy District Court of the Khabarovsk Territory mai Rusia, ni cala o Brother Yegor Baranov. Ena vakatatabutaki tale ga me lima na yabaki. E ka ni rarawa, ni mate o Brother Yen Sen Li ni bera ni macala na veilewai.

Veitaravi ni Gauna

Feperueri 2, 2021

Tekivu rogoci nodrau veilewai o Yegor kei Yen Sen
Noveba 20, 2020

Sere o Yegor ni oti e 177 na siga nona vesu tu
Okosita 26, 2020

Vesuka na Central District Court of Khabarovsk na motoka nei Yen Sen
Me 29, 2020

Vesu o Yegor
Me 26, 2020

Beitaki ni daubasulawa o Yegor kei Yen Sen ena yasaysa o Khabarovsk

Kedrau iTukutuku

Yegor Baranov

Sucu: 2001 (Olovyannaya, Yasayasa o Trans-Baikal)

Me baleti koya: Ratou le tolu na veitacini, o koya e gone duadua. Takali o tamana ena 2013. Taleitaka na veikabula kei na manumanu. Ni bera ni vesu, a vulica na veika me baleta na tabana ni kau

Susugi koya o tinana e iVakadinadina i Jiova. E uqeti koya vakalevu na inuinui ni na sotavi tamana tale ena veivakaturi. Papitaiso me iVakadinadina i Jiova ena 2017. Taleitaka na taba piano, vola serekali kei na vakasaqa

Ka e Tukuna

E vaqaqacotaka vakacava nomu veiwekani kei Jiova na ituvaki dredre o sotava?

Na ituvaki au sotava qo au vakila tu ga na marau. Se mani vacava na dredre eda sotava, o Jiova e kila tu na ivakarau ni lomada, e kauaitaki keda yadua tale ga. Keu mani vakatitiqa, kena ibalebale au sa vakawalena tiko nona vuku na Kalou. E kila vinaka o koya na ka me cakava, eso na gauna eda sega ni namaka na sala e vukei keda kina. E vakatovolei noqu nuitaki koya ena gauna au vesu kina, ia e vukei au meu nuitaki koya vakalevu.

Yen Sen Li

Sucu: 1952 (Nikolaevsk-on-Amur, Yasayasa o Khabarovsk)

Me baleti koya: Ratou le lima na veitacini, o koya e ikatolu ni qase. E cakacaka vakaidinia. Rau vakamau kei Olga ena 1991, qai dua na luvedrau. Taleitaka na iVolatabu ena gauna rau kila kina vakaveiwatini ni tiko na inuinui ni kawatamata. Papitaiso ena 1994. Taleitaka na qito chess kei na taubale

Ka e Tukuna

Cava o masulaka vei Jiova ena gauna dredre qori?

Au kerei koya me vakaukauataki keirau vakaveiwatini, me keirau lomavakacegu tale ga . . . Keirau vakila tu ga na vakacegu ena gauna keirau vakatarogi kina. Qori e vakanuideitaki au sara ga ni o Jiova ena sega vakadua ni biuti au.

A curu tu i valenibula o watiqu ni tauvi mateniuto. Au kerei Jiova me . . . taqomaki koya. E rogoca dina o koya na noqu masu, e laurai sara ga qori ena nodra tokoni keirau na mataveitacini. Era tu vakarau mera veivuke vakayago, vakayalo tale ga.

Ena veivuke i Jiova kei ira na mataveitacini sa qai qaqaco ga kina nona vakabauta . . . E vakayaloqaqataki ira mada ga eso tale. Au vakadeitaka kina ni o Jiova e tokoni watiqu.

Eda vakavinavinakataki rau na tacida ni rau nuitaki Jiova tiko ga. Erau nuidei tale ga ni na vakaukauataki rau o Jiova me rau vosota.—2 Cesalonaika 3:3.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU