SEVITEBA 30, 2022
RUSIA
IROGO VOU—VAKATULEWATAKI NI CALA | Sega ni Yalolailai ni Donu Tiko ga Nona Rai
Ena ika10 ni Okotova 2022, e kaya na mataveilewai na Solnechniy District Court of the Khabarovsk Territory mai Rusia, ni cala o Brother Boris Yagovitov. Ena vakatatabutaki tale ga me lima na yabaki. E ciwa na vula nona vesu tu vakawawa. Sa sere mai, ena sega ni biu e valeniveivesu ena gauna qo.
Veitaravi ni Gauna
Tiseba 14, 2020
Era katona lo na dauveivaqaqai nodrau veivosaki o Boris, kei na dua na ovisa vakalecaleca e lasutaka ni via vulica na iVolatabu
Me 14, 2021
Tekivu vaqaqai ni beitaki ni vakaitavi tiko ena soqoni e vakavuna na tiko yavavala, e saga tale ga me rawai ira eso mera lewena na kena isoqosoqo
June 5, 2021
Rau vakatarogi kei Nataliya ni caka na vaqaqara e nodrau vale. Oti e kau o Boris me lai vesu
June 7, 2021
Sere mai qai vakatatabutaki e vale
Tiseba 29, 2021
Tekivu na veilewai. Ni caka tiko na veilewai, e vinakata na dauveibeitaki me vesu o Boris ni beca na lawa ni vakatatabu e vale. Era mani vesuki koya na vakailesilesi
Feperueri 24, 2022
Kau lesu nona kisi vua na dauveibeitaki nira sega ni muria tiko na dauveivaqaqai eso na lawa. E se vesu tiko ga o Boris
June 9, 2022
Veilewaitaki tale
Kena iTukutuku
Rau ivakaraitaki vinaka o Boris kei Nataliya ni rau saga me rau vakasamataka na veika e dodonu, qai ganita me vakacaucautaki. Eda nuidei ni na tiko vata kei rau “na Kalou ni vakacegu.”—Filipai 4:8, 9.
a Sa vesu tiko o Brother Boris Yagovitov ena gauna e vakarautaki kina na ulutaga qo. E sega kina ni rawa ni vakatarogi.
Rawa ni o Wilika Tale ga
ITUKUTUKU VOU
Vesu ena Vuku ni Nodra Vakabauta—Rusia
Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.