OKOSITA 8, 2022| IROGO VOU: TISEBA 29, 2022
RUSIA

IROGO VOU—VEILEWAITAKI TALE | Vukei Aleksandr na Nona iTuvatuva Vakayalo

SARAVA/ROGOCA

Ena ika27 ni Tiseba 2022, sa bokoca na mataveilewai na Krasnoyarsk Territory Court na itotogi nei Brother Aleksandr Kabanov, ya me rube na nona kisi me rua veimama na yabaki. E kerea me veilewaitaki tale. Ena ika5 ni Okosita 2022, e tauca na lewa na mataveilewai na Zelenogorsk City Court ena nona kisi, ia e kerea me rogoci tale nona kisi. Ena tiko ga ena nona yasayasa me yacova nona veilewaitaki tale.

Ena vakarau tauca na mataveilewai na Zelenogorsk City Court of the Krasnoyarsk Territory mai Rusia, na lewa me baleti Brother Aleksandr Kabanov. E kerea na dauveibeitaki me vesu me rua na yabaki ono na vula.

Veitaravi ni Gauna

Tiseba 26, 2019

Vesu qai beitaki ni vakaitavi tiko ena cakacaka ni isoqosoqo e vakavuna na tikoyavavala, nona wilika na iVolatabu kei na nona wasea vei ira eso tale na veika me baleti Jiova. E vesu tu vakawawa
Tiseba 27, 2019

E sere ni sega ni vakadonuya na turaganilewa na nona kerekere na dauveibeitaki me wawa veilewai
Tiseba 6, 2021

iOtioti ni nona ivakamacala ena mataveilewai. E sega ni via vesuki koya na turaganilewa, e vakatulewataka ga me kau lesu tale nona kisi vua na dauveibeitaki, mani rube tu nona kisi
Maji 25, 2022

Veilewaitaki tale

Kena iTukutuku

Aleksandr Kabanov

Sucu: 1960 (Kansk, Yasayasa o Krasnoyarsk)

Me baleti koya: E dau sasamaki

Ni mate o tinana, e lomatarotarotaka, ‘Cava ena yacovi ira na mate? Era na lako i eli? Cava e vakalaiva kina na Kalou na rarawa?’ E lomavakacegu ni kunea na isau ni nona taro ena iVolatabu. Papitaiso me iVakadinadina i Jiova ena 2004

Ka e Tukuna

Cava e vukei iko mo marau tiko ga ni o sotava na ituvaki dredre?

Sa qai qaqaco ga noqu veiwekani kei Jiova ena gauna au tusaqati kina, au raica tale ga vakabibi na noqu ituvatuva vakayalo. Qori e vukei au meu kua ni lomaleqa vakasivia, qai marau tiko ga.

Au dau vakasamataka na ka e kaya na iVolatabu me baleta na veitusaqati: “Ke ra vakacacani au, era na vakacacani kemudou tale ga.” (Joni 15:20) Au vulica kina meu vakarautaki au rawa tu, ni na rawa tale ga niu tusaqati.

Cava o dau masulaka ni o waraka tiko na macala ni nomu veilewai?

Au vinakata meu ivakaraitaki vinaka vei ira na mataveitacini. Au dau masulaka me keimami vakila kece na marau, lomavakacegu, qai qaravi Jiova tiko ga. Me keimami uqeta tale ga na duavata, na veiyaloni, qai yalodina me yacova na icavacava.

Era ivakaraitaki vinaka dina ni vakabauta na tacida e Rusia nira muria na ka e tukuni ena Aisea 12:2: “Raica! E noqu ivakabula na Kalou. Au na nuitaka, au na sega ni rere, ni o Ja Jiova e noqu kaukaua, e noqu qaqa.”

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU