OKOSITA 16, 2023 | IROGO VOU: TISEBA 5, 2023
RUSIA
IROGO VOU—VEISAUTAKI NA LEWA | “Na Noda Duavata”
Ena ika5 ni Tiseba 2023, e veisautaka na mataveilewai na Khabarovsk Territory Court mai Rusia na lewa e tau me baleti rau o Sister Lyubov Kocherova kei Sister Lyubov Ovchinnikova. Ena rogoci tale nodrau kisi ena mataveilewai ni yasana na Khabarovskiy District Court of the Khabarovsk Territory.
Ena imatai ni Okosita 2023, e kaya na mataveilewai ni yasana na Khabarovskiy District Court of the Khabarovsk Territory e Rusia, ni rau cala o Sister Lyubov Kocherova, kei Sister Lyubov Ovchinnikova. E rube na nodrau kisi me ono na yabaki. Rau na sega ni curu e valeniveivesu ena gauna qo.
Kedrau iTukutuku
Na nodra vosota tiko ena yalodina na tacida era tusaqati, e vakadeitaka vei keda ni o Jiova ga e “vakaukauataki ira.”—1 Veigauna 29:12.
Veitaravi ni Gauna
2019-2020
Era katona lo na vakailesilesi na nodrau veitalanoa na tacida yalewa
Maji 3, 2022
E caka na vaqaqara ena nona vale o Lyubov Kocherova. E vesu na nona talevoni kei na kompiuta
Me 26, 2022
Beitaki ena basulawa o Lyubov Kocherova
Me 28, 2022
Vakatarogi o Lyubov Kocherova
Noveba 7, 2022
Beitaki ena basulawa o Lyubov Ovchinnikova. Biu vata na nodrau kisi ni veilewai
Janueri 21, 2023
Caka tale na vaqaqara ena nona vale o Lyubov Kocherova
Epereli 25, 2023
Tekivu na veilewai
Rawa ni o Wilika Tale ga
ITUKUTUKU VOU
Vesu ena Vuku ni Nodra Vakabauta—Rusia
Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.