25 NOVEBA, 2021
RUSIA

IROGO VOU | Vakacegui Brother Yevgeniy Korotun o Jiova

SARAVA/ROGOCA

Ena ika16 ni Me 2022, e sega ni vakadonuya na mataveilewai na Tomsk Regional Court mai Rusia, nona kerekere o Brother Yevgeniy Korotun. Ena vesu tiko ga.

Ena ika20 ni Janueri 2022, e kaya na mataveilewai Severskiy City Court of the Tomsk Region mai Rusia, ni cala o Yevgeniy. E totogitaki tale ga me vitu na yabaki e valeniveivesu. E vesu ni tau oti ga na kena itotogi.

Veitaravi ni Gauna

31 Maji, 2021

Tekivu veilewaitaki
7 Seviteba, 2020

Oti nona rairai ina mataveilewai e vesu, qai wawa veilewai
15 Julai, 2020

Vakatatabutaki i nona vale
14 Julai, 2020

Vaqaqara na ovisa ni FSB ena nodratou vale e ono na iVakadinadina i Jiova e Seversk, wili kina nodratou vale na Korotun
13 Julai, 2020

Beitaki ni daubasulawa
2018–2019

Rau lasutaka e rua na ovisa vakalecaleca ni rau via vulica na iVolatabu. Rau qai katona lo nodratou veivosaki kei Yevgeniy me rawa ni beitaki kina

Kena iTukutuku

Yevgeniy Korotun

Sucu: 1970 (Seversk)

Me baleti koya: E vulica na droini. E cakacaka vakamatai, e dau palasitataka na lalaga ni vale, e palama tale ga. E taleitaka na veitaba, kei na wilivola

Rauta ni tini na yabaki nona vakekeli tu ena iVolatabu, sa qai vakadeitaka kina ni Vosa ni Kalou. Papitaiso sara ena 2008, rau vakamau tale ga kei Yevgeniya ena yabaki qori. E dua na luvedrau tagane, o Aleksandr e yabaki tini

Ka e Tukuna na Watina o Yevgeniya a

Na ituvaki dredre cava o sotava ni vesu tu o watimu?

E sega ni vakatara na Federal Financial Monitoring Service meu vakayagataka na neirau kad ni baqe. Au saga vakavica kei ira na tabana vakamatanitu me rawa niu vakayagataka na ilavo e tiko kina, ia e dreve ga. O Jiova sa qai vakayagataki ira na tacida mera veivuke ena ka keitou gadreva.

Cava e vukei iko mo marau tiko ga qai kua ni lomaocaoca?

Na noqu ituvatuva vakayalo . . . Me vaka ni sega ni tiko o Yevgeniy me masu vei keirau, au sa veivosaki ga kina vakalevu kei Jiova. Au dau tukuna vua na ulutaga vou vakaivolatabu au wilika. Au sa wilika tale ga e levu na ulutaga ni veivakacacani, yaloqaqa, vosota, yalodina, na dodonu ni nona veiliutaki o Jiova kei na bibi ni rai donu. Keu oca qai sega ni rawa ni wilivola, au na sarava na vidio ena broadcasting. E vakayaloqaqataki au tale ga na noda sere.

E vosota rawa vakacava o Aleksandr nona vesu o tamana?

Eso na gauna e tagi, qai kaya ni nanumi tamana . . . Ia e sega ni rarawa tu ga e veigauna. E saga me donu tiko ga nona rai, qai mamarau. . . . Qo sa vinakata tiko me papitaiso, qori e dua na ka e vakamarautaki au vakalevu.

Eda nuidei ni o Jiova ena tokoni ratou tiko na vuvale na Korotun, kei ira kece era yalodina tiko vua ena gauna dredre qo.—Roma 15:5.

a Sega ni rawa ni tauri nona itukutuku o Brother Korotun ni se vesu vakawawa tiko ena gauna qo.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU