TISEBA 20, 2021
RUSIA
IROGO VOU | Vakarau Tau na Kedratou iTotogi Eso na Tacida Tagane
Ena ika20 ni Seviteba 2022, e sega ni vakadonuya na mataveilewai na Trans-Baikal Territory Court mai Rusia, na nodratou kerekere o Brother Vladimir Ermolaev, Brother Sergey Kirilyuk, Brother Igor Mamalimov, kei Brother Aleksandr Putintsev. Ratou na vesu tiko ga o Vladimir, Igor, kei Aleksandr. Ena sega ni curu e valeniveivesu o Sergey ena gauna qo.
Ena ika6 ni June 2022, e kaya na mataveilewai na Central District Court of Chita mai Rusia, ni cala o Vladimir, Sergey, Igor, kei Aleksandr. E vakatatabutaki o Sergey me ono na yabaki. Ratou na vesu me ono veimama na yabaki e valeniveivesu o Vladimir, Igor, kei Aleksandr. Ratou vesu ni tau oti ga na lewa.
Veitaravi ni Gauna
Maji 16, 2021
Tekivu na veilewai
Feperueri 2, 2021
Beitaki o Vladimir, Sergey, Igor, kei Aleksandr ni ratou tuvanaka na cakacaka ni isoqosoqo e vakavuna na tikoyavavala
Epereli 3, 2020
Oti nona vakatatabutaki i vale o Vladimir
Feperueri 15, 2020
Sere o Sergey ni oti nona vesu me lima na siga
Feperueri 12, 2020
Rau sere o Igor kei Aleksandr mai valeniveivesu. E vesu o Sergey me 72 na aua. E vakatatabutaki i vale o Vladimir me 52 na siga
Feperueri 10, 2020
Era vaqaqara na vakailesilesi ni FSB ena 50 na nodra vale na mataveitacini ena yasayasa o Trans-Baikal. E caka tale ga na vaqaqara ena nodra vale na tacida itabaqase, kei ira na vakaleqai na yagodra. E mokulaki e dua na tacida itabagone ni rai tu o tinana kei ganena. E vakararawataki tale ga e dua na tacida tagane. Oti na vaqaqara, ratou vesu e tini na tacida tagane wili kina o Aleksandr, Sergey, kei Vladimir
Kedratou iTukutuku
Meda vakatotomuria mada ga na dei ni nodratou vakabauta na tacida tagane qori. Me vakai Taniela ga kei ratou na tolu nona itokani, ratou ‘nakita e lomadratou’ me ratou yalodina vei Jiova se mani vacava na kaukaua ni nodra veitusaqati na vakailesilesi.—Taniela 1:8.
Rawa ni o Wilika Tale ga
ITUKUTUKU VOU
Vesu ena Vuku ni Nodra Vakabauta—Rusia
Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.