26 JULAI, 2021
RUSIA

IROGO VOU | “Veivakacacani Qo e Vakavolekati Au Vei Jiova”

SARAVA/ROGOCA

Ena ika20 ni Epereli 2022, e sega ni vakadonuya na mataveilewai na Krasnodar Regional Court mai Rusia, nona kerekere o Brother Vladimir Skachidub. Ena vesu tiko ga.

Veitaravi ni Gauna

Ena ika11 ni Okotova 2021, e beitaki ni cala o Vladimir Skachidub ena mataveilewai na Pavlovskiy District Court of the Krasnodar Territory mai Rusia. E vesu me va na yabaki qai rua na vula e valeniveivesu
30 Tiseba, 2020

Tekivu veilewaitaki
23 Julai, 2020

Okati tale ga me dua vei ira na vakavuna na tikoyavavala
23 June, 2020

Beitaki ni daubasulawa ni cakacaka tiko vakavunau

Kena iTukutuku

Vladimir Skachidub

Sucu: 1961 (Pavlovskaya, Yasayasa o Krasnodar)

Me baleti koya: Oti nona lewena na mataivalu, e vuli idinia sara ena dua na koronivuli e Taganrog ena yasayasa o Rostov. Rau takali nona itubutubu ni se qai yabaki 25, mani lesu tale i nodratou vale me lai qaravi ganena o Nataliya e se qai yabaki 15 tiko ena gauna ya. A takali o Nataliya ena 2003 ni tauvi koya na kenisa ni dra. A cakacaka tu o Vladimir ena dua na vale ni buli iyaya. E taleitaka na veitaba kei na qiri qita

E lomatarotarotaka na iVolatabu ena gauna rau veitalanoataka tiko kina na iVolatabu kei ira na iVakadinadina i Jiova o Nataliya, kei na nona itokani o Galina. E qoroya na totoka ni ivakamacala me baleta na i bulibuli, qai taleitaka me vulica na iVolatabu. E muduka nona dau kana tavako, sa sega tale ga ni gunu vakasivia. Vakamau kei Galina ena 1997. Papitaiso sara ena 1998, qai papitaiso o Galina ena 2016

Ka e Tukuna

Cava o masulaka vei Jiova ena gauna dredre qori?

Au kerea nona yalo tabu, nona veidusimaki kei na nona kaukaua e uasivia na kaukaua ni tamata. Ni caka tiko na veivaqaqai, . . . au masuta me lagiti ga na yaca i Jiova. Oti na veivaqaqai e vakavinavinakataki au na dauveivaqaqai, e kaya tale ga ni vinaka na noqu itovo.

Cava o vulica ena veivakacacani qo ena rawa ni vukei iko ke o mani tusaqati tale ena dua na gauna mai muri?

Na veivakacacani qo e vakavolekati au vei Jiova, e vukei au talega meu kua ni yalolailai ena ituvaki dredre au sotava. Ia meu nuitaki koya ga vakatabakidua.

Me vakai Vladimir, eda nuidei ni o Jiova ena vukei koya me ‘vosota na ka kece ena vosovoso kei na marau.’—Kolosa 1:11.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU