NOVEBA 5, 2021
RUSIA

IROGO VOU | Vukei Brother Aleksey Yershov Nona iTuvatuva Vakayalo

SARAVA/ROGOCA

Ena ika7 ni Epereli 2022, e veisautaka na mataveilewai na Tomsk Regional Court mai Rusia, na itotogi me baleti Brother Aleksey Yershov. Sa na vakatatabutaki ga me tolu na yabaki. E sere ni tau oti ga na lewa.

Ena ika19 ni Janueri 2022, e kaya na mataveilewai na Severskiy City Court of the Tomsk Region, ni cala o Aleksey. Ena totogitaki tale ga me tolu na yabaki e valeniveivesu. E vesu ni tau oti ga na kena itotogi.

Veitaravi ni Gauna

June 22, 2021

Kau na nona kisi ina mataveilewai na Severskiy City Court of theTomsk Region
Maji 30, 2021

Yavutaki nona beitaki ena dua na vidio e katona e dua e lasutaka ni via vulica na iVolatabu me sivia e dua na yabaki
Julai 14, 2020

Era vaqaqara i nona vale me vitu na aua na ovisa vakalecaleca ni Rusia kei ira na dauveivaqaqai. Era taura nona kad ni baqe, iyaya vakalivaliva, nona iVolatabu, pasipote kei na nona misini ni internet

Kena iTukutuku

Aleksey Yershov

Sucu: 1953 (Seversk, Yasayasa o Tomsk)

Me baleti koya: E mate o tamana ena yabaki e sucu kina. Susugi koya o tinana. Cakacaka vakaidinia qai veivakavulici ena koronivuli ni vuli tara

Vakamau kei Lyudmila ena 1976. E rua na luvedrau, rau sa uabula

E vulica na iVolatabu ni oti nona sureti koya e dua nona gonevuli me tiko ena nodra soqoni na iVakadinadina i Jiova. E taleitaka na ivakavuvuli vakaivolatabu, kei na inuinui ni Matanitu ni Kalou. Papitaiso me iVakadinadina i Jiova ena 1994

Ka e Tukuna

Cava e vukei iko me qaqaco nomu veiwekani kei Jiova ena gauna dredre qo?

Keirau dau masu vata vakalevu kei watiqu. Au vosota rawa na ituvaki qo ena veivuke i Jiova. Au saga meu dei tiko ga ena noqu ituvatuva vakayalo, kei na noqu wili iVolatabu e veisiga. E veimataka keirau na dikeva vata na tikinivolatabu e veisiga, keirau masu vata tale ga.

O valuta vakacava na yalolailai?

E vukei au vakalevu noqu vuli vakataki au. Au dau vakasamataka vakatitobu nodra ivakaraitaki ni yalodina na dauveiqaravi i Jiova ena gauna makawa. E tu ena iVolatabu e levu na ivakaraitaki e vukei au meu lomavakacegu qai nuitaki Jiova. Noqu vakasamataka vakatitobu qori, au kila kina na sala e vukei ira kina na nona dauveiqaravi o Jiova mera vakila tiko ga na vakacegu. E kaya na Cakacaka 5:29: “E dodonu me keitou talairawarawa ga vua na Kalou ni iliuliu, sega vua na tamata.” Ni vakaroti ratou na yapositolo na Sanadrini me ratou kua ni vunau, ratou sega ni lomaleqa na yapositolo. Dina ni ratou mokulaki, ia ratou sega ni rere. Ratou nuidei ni tiko vata kei ratou o Jiova, ratou vakamarautaki koya tale ga.

Era vakayaloqaqataki tiko ga na tacida e Rusia ena masu, kei na wili iVolatabu e veisiga. E vakadeitaka vei keda na Same 9:9 ni “o Jiova ena ivakaruru tudei vei ira na vakasaurarataki, e ivakaruru tudei ena gauna ni leqa.”

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU