4 JANUERI, 2022
RUSIA

IROGO VOU | Vukei Rau na Veiwatini na Krupnov na Nodrau tu Vakarau kei na iNuinui

SARAVA/ROGOCA

Ena ika9 ni Maji 2022, e sega ni vakadonuya na mataveilewai na Penza Regional Court mai Rusia, nodrau kerekere o Brother Pyotr Krupnov kei watina o Maya. Rau na sega ni biu e valeniveivesu ena gauna qo.

Veitaravi ni Gauna

30 Tiseba, 2021

Kaya na mataveilewai na Nikolskiy District Court of the Penza Region mai Rusia, ni cala o Pyotr kei watina o Maya. Rau na vakatatabutaki me tolu na yabaki.
25 Okotova, 2021

Rau veilewaitaki
12 Okotova, 2021

Biu na yacadrau ena lisi ni lewenivanua era dau vakacaca qai vakavuna na tikoyavavala, ni rau veivosakitaka na nodrau vakabauta kei ira nodrau itokani
15 Seviteba, 2021

Tekivu vaqaqai o Maya, e okati tale ga ena nona kisi ni veilewai o Pyotr
11 Okotova, 2020

Era vaqaqara na ovisa ena nodratou vale e va na tacida e Nikolsk, wili kina na nodrau vale na Krupnov

Kedrau iTukutuku

Pyotr Krupnov

Sucu: 1963

Me baleti koya: E palama (plumber). Vulica na iVolatabu kei ira na iVakadinadina i Jiova ena 1996. E vakadeitaka ni sa kunea na ka dina ni wilika oti na noda ivola, kei na nona vakaraitaki na tacida e vakavulici koya ena iVolatabu. Papitaiso sara ena 2002

Sotavi Maya ena gauna ni soqoni, rau qai vakamau ena 2008

Ka e Tukuna

O bau vakasamataka dua na gauna o vakila kina na veivuke i Jiova?

Au [nanuma lesu na gauna] au kerea kina ena masu na veivuke ni yalo tabu, au qai nanuma mai e dua na tikina ena Joni 10:28, e kaya: “Ena sega tale ga ni dua me na kaliraki ira mai ligaqu.” Niu vakasamataka vakatitobu qori, e vakaukauataki au, au marau tale ga. Au kila ni tu sara ga e yasaqu o Jiova, e kila vinaka tale ga na veika au sotava. Qori e vakanuideitaki au, au lomavakacegu tale ga.

Cava e vukei iko mo vosota?

Au saga me donu tiko ga noqu rai. Au kila na ituvaki dredre kece au sotava e ka wale ni vakatauvatani kei na noqu veiwekani kei Jiova, kei na noqu rawata na bula tawamudu. Na noqu lomani Jiova kei ira eso tale e vakayaloqaqataki au meu vosota tiko ga.

Maya Krupnova

Sucu: 1957 (Atasu, Kazakhstan)

Me baleti koya: E dau vavavi (pastry chef). Sa cegu ena cakacaka, e taleitaka na teitei

E vakamacalataka vua o luvena yalewa na veika me baleti ira na iVakadinadina i Jiova. Papitaiso sara ena 2001

Ka e Tukuna

O vakarautaki iko vakacava ni bera ni o sotava na ituvaki qo?

Au sa vakavakarau tu ni oti ga nodra vesu eso na tacida ena [siti voleka] na vanua keirau tiko kina. Au wilika na ivola i Esiteri kei na Jeremaia. . . . Au wilika tale ga na itukutuku era biu mai ena noda website, qai saga meu kila vinaka na noda sere. Au vakarautaka e dua na noqu beki ni leqa tubukoso (go bag), kei na dua na beki meu kauta e valeniveivesu. . . . Au masulaka tale ga me soli vei au na vuku kei na yalomatua, meu rawa ni nuidei qai lomavakacegu ena gauna au na tusaqati kina.

Era tokoni iko vakacava na mataveitacini?

Era dau vakayaloqaqataki au, vakabibi na gauna au yalolailai kina. Dua na gauna au a yalolailai, era qiri qai volavola mai na mataveitacini era kaya nira lomani au. Au kila tiko niu lewena e dua na vuvale levu ra qai dau veilomani, ia au vakadinadinataka sara ga qori me tekivu mai na 2020.

E uqeti keda na nodrau vakaraitaki o Pyotr kei Maya, ni rau dei ena nodrau inuinui qai vakararavi vei Jiova.—Iperiu 6:19.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU