OKOSITA 31, 2022
RUSIA

“Jiova e Vakayagataki ira na Tacida Yaloqaqa Mera Tokoni Au”

SARAVA/ROGOCA

Ena vakarau tauca na mataveilewai na Kuznetsk District Court of Novokuznetsk e Rusia, na lewa me baleti Brother Sergey Sushilnikov. E se bera ni kerea na tabana ni veibeitaki na kena itotogi

Veitaravi ni Gauna

Noveba 2019

Era vakarogoca lo na dauveivaqaqai na nona qiri kece o Sergey, era biuta lo tale ga na itaba e nona vale
June 3, 2021

Tekivu vaqaqai
June 8, 2021

Caka na vaqaqara ena nona vale, rau lai vakatarogi tale ga vakaveiwatini
Julai 15, 2021

Okati me dua vei ira na batikadi, e vakatabui tale ga me vakayagataka na nona ilavo ena baqe
Feperueri 8, 2022

Beitaki ni tuvanaka qai vakaitavi ena cakacaka ni isoqosoqo e vakavuna na tikoyavavala. Vakatabui me gole ina dua tale na vanua
Maji 30, 2022

Tekivu veilewaitaki

Kena iTukutuku

Sergey Sushilnikov

Sucu: 1957 (Korkino, Yasayasa o Chelyabinsk)

Me baleti koya: E supavaisa ena dua na kabani ni livaliva. Sa cegu mai na cakacaka

Rau vakamau kei Tatyana ena 1979. E rua na luvedrau yalewa

E kilai ira na iVakadinadina i Jiova vua e dua na wekai watina. Rau papitaiso vakaveiwatini ena 1996

Ka e Tukuna

Na ivakavuvuli vakaivolatabu cava e vukei iko ena gauna dredre qo?

Au dau taleitaka na Vosa Vakaibalebale 17:17, e kaya: “Na itokani dina e loloma ena veigauna, e tacida ena gauna ni rarawa.” Sa qai matata vei au na kena ibalebale ena gauna dredre qo. Au na sega ni rawa ni vosota ena noqu kaukaua ga. O Jiova e vakayagataki ira na tacida yaloqaqa mera tokoni au. Era tu vakarau tale ga ni veivuke ke dredre na ituvaki.

Vakamacalataka mada na sala era tokoni kemudrau kina vakaveiwatini na tacida?

Ni caka oti na vaqaqara e vale, keirau kau me keirau vakatarogi. Oti e sere sara o watiqu, e qai sikovi koya e dua na tacida yalewa ena gauna e yaco kina e vale. Era yaco tale ga yani eso na tacida mera lai samaka neirau vale era yanaraka na ovisa. E mai raici keirau tale ga e dua na qase ni ivavakoso, dina ga ni rawa ni vesu kina.

E kaya o Jisu ena Joni 13:35: “Na ka qo era na kila kece kina ni dou noqu tisaipeli, ke dou veilomani.” Keirau marautaka kei Tatyana na loloma era vakaraitaka na tacida, keirau vakila tale ga nodra loloma

Eda marau ni o Jiova e dau vukei ira na yalodina ena “gauna ni rarawa.”—Same 46:1.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU