Me 21, 2024
RUSIA

Ka Dokai Me Tutaka na Yaca i Jiova

SARAVA/ROGOCA

Ena vakarau tauca na mataveilewai na City Court of the Altai Territory na lewa me baleti Brother Sergey. E se bera ni kerea na dauveibeitaki na kena itotogi.

Kena iTukutuku

Sergey Lukin

Sucu: 1971 (Biysk)

Me baleti koya: E liutaka cakacaka ena dua na vanua ni susu ika.

Vakamautaki Yelena ena 1991. E dua na luvedrau tagane, dua na luvedrau yalewa kei dua na makubudrau yalewa.

A dua na iVakadinadina i Jiova o tinai Sergey ena 1998. E uqeti koya me wilika na iVolatabu. E qoroya o Sergey na veisemati ni veika e kune ena iVolatabu. Papitaiso ena 2010

Ka e Tukuna

Na tikinivolatabu cava e vakaukauataki iko?

Niu mai dua na iVakadinadina i Jiova, au sotava e levu na ka dredre. Au a vakayalia na noqu cakacaka kau tusaqati tale ga mai vale . Ena gauna qori, au vakila na yalolailai. E vakacegui au vakalevu na Same 118:6 “E tu e yasaqu o Jiova, au na sega ni rere. Cava ena cakava rawa vei au na tamata?” Niu sotava na leqa ena gauna qo, e vakaukauataki au na veivosa qori. Kena ivakaraitaki, ni ra gole mai na vakailesilesi i vale mera vaqaqara era qai kauti au meu lai vakatarogi. Au kila e sega na vuna meu rere kina. E vukei au o Jiova meu lomavakacegu. Oti qori au vakila na marau. Au vakasamataka sara na kedratou ituvaki na yapositolo niratou mokulaki ena vuku ni yaca i Jisu. Sa qai matata vei au ni dua na itavi dokai meda tutaka na yaca i Jiova. Au via cakava na ka kece meu yalodina tiko ga

Eda vakavinavinakataka na ivakaraitaki i Sergey, ni uqeti keda ni noda lomani Jiova “e biuta tani na rere.”—⁠1 Joni 4:⁠18.

Veitaravi ni Gauna

Tiseba 1, 2022

Tekivu Vaqaqai
Janueri 25, 2023

Caka na vaqaqara ena nona vale kei na ofisi. Vakatarogi qai vakatabui me gole i na dua tale na vanua
Janueri 25, 2024

Tekivu veilewai

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU