OKOTOVA 31, 2023
RUSIA

“Kua ni Raica na Bula ni Cagi”

SARAVA/ROGOCA

Ena vakarau tauca na mataveilewai na Sovietskiy District Court of Krasnodar e Rusia na lewa me baleti Brother Aleksey Lelikov. E se bera ni kerea na dauveibeitaki na kena itotogi.

Kena iTukutuku

Aleksey Lelikov

Sucu: 1960 (Krasnodar, Yasayasa o Krasnodar)

Me baleti koya: E qasenivuli ni ivakatagi

Vakamau kei Irina ena 1979. Dua na luvedrau tagane, dua tale ga e yalewa

E liu, rau sega ni vakabauta na Kalou o Aleksey kei Irina. E sega ni marautaka na ivakavuvuli vakatamata. Ratou vulica vakavuvale na iVolatabu kei ira na iVakadinadina i Jiova. Rau papitaiso vakaveiwatini ena 1994

Ka e Tukuna

O vorata vakacava na nuiqawaqawa?

Ni oti e vica na vula noqu vaqaqai, au liaca niu dau leqataka na veika ena rairai yaco, au qai dau lomalomani au. Au vakataki Pita, e rere ni raica na bula ni cagi. (Maciu 14:30) Au nuiqawaqawa vakalevu ena dua na bogi. Au mani masu vagumatua vei Jiova meu lomavakacegu. Au moce vinaka ena bogi ya. Ia niu yadra ena mataka, au vakila tale na nuiqawaqawa. Au masu tale vei Jiova me donu noqu rai. Au vakasamataka: ‘Rau noqu itokani o Jiova kei Jisu, e dodonu meu vakaraitaka tale ga niu nodrau itokani niu dei qai yaloqaqa. Meu kua ni leqataka na veika ena yaco ena veigauna se bera mai. Meu kua ni raica na bula ni cagi.’ Au vakadeitaka ni o Jiova duadua ga ena solia vei keda na vakacegu.

Na nodra ivakaraitaki ni vosota na tacida e vaqaqacotaka na noda vakabauta na iyalayala i Jiova ni na ‘vakaruruya na cagi kaukaua’ ya na noda lomaleqataka na ka ena rairai yaco.—Same 107:28, 29.

Veitaravi ni Gauna

Janueri 20, 2022

Tekivu vaqaqai
Janueri 28, 2022

Caka na vaqaqara ena nodratou vale na Lelikov. Kau o Aleksey me lai vakatarogi qai sereki ena siga ga ya
Feperueri 16, 2023

Tekivu veilewaitaki

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU