Ena ika29 ni Seviteba, 2020, e sega ni tauca na mataveilewai ni yasana o Pervorechenskiy, e Vladivostok, e dua na lewa me baleta nona kisi o Sister Yelena Barmakina. E kaya na turaganilewa vei ratou na dauveibeitaki me ratou dikeva tale na nona kisi ni sega ni levu na ivakadinadina me tokona ni vakaitavi tiko o Sister Barmakina ena cakacaka e vakavuna na tiko yavavala. Ratou na rawa ni kerea na dauveibeitaki me rogoci tale na kisi. Ke sega, ena qai veilewaitaki tale ena gauna sa levu kina na ivakadinadina me tokona na ka e beitaki kina o Sister Barmakina.