18 OKOSITA 2021
RUSIA

Marau tu ga o Sister Viktoriya ni Tusaqati

SARAVA/ROGOCA

Veitaravi ni Gauna

Ena ika29 ni Noveba 2021, e kaya na mataveilewai na Priokskiy District Court of Nizhny Novgorod mai Rusia, ni cala o Sister Viktoriya Verkhoturova. Ena sega ni biu e valeniveivesu ena gauna qo, ena vakatatabutaki ga me va na yabaki.
17 Julai, 2020

Vakatabui me veilakoyaki
26 Maji, 2020

Beitaki ni dua na daubasulawa
17 Julai, 2019

Ratou vaqaqara i nona vale e tini na vakailesilesi, kei na dua na dauveivaqaqai me lima na aua. Ratou biuti koya ina dua na rumu me yawaki watina o Sergey. Ratou vakarerei koya tale ga ni ratou tukuna vua na ituvaki rerevaki e valeniveivesu

Kena iTukutuku

Viktoriya Verkhoturova

Sucu: 1976 (Uzbekistan)

Me baleti koya: Ratou le tolu na veitacini yalewa, e gone duadua o koya. E nasi, qai taleitaka na qalo kei na taubale balavu

Ni se gone, e vakasamataka vakalevu na vuna e lekaleka kina na noda bula. Qori e vakavuna me rerevaka na mate. Ia ni raica e dua na itaba ni parataisi e yalataka tu na iVolatabu, qai rogoca ni na oti vakadua na mate, qori e uqeti koya me vulica na iVolatabu kei ira na iVakadinadina i Jiova. Papitaiso sara ena 1998. Rau vakamau kei Sergey ena 2001

Ka e Tukuna

Cava e vukei iko mo marau tiko ga qai kua ni lomaocaoca vakalevu?

Keirau dau wili iVolatabu vakaveiwatini e veisiga, keirau raica vata tale ga na tikinivolatabu e veimataka. Ia wale tiko ga qo keirau sa dau rogoca wasoma na sere ni broadcasting. Au dau masulaka tale ga vei Jiova meu marau tu ga, meu lomani ira tale ga na kequ meca.

E vaqaqacotaka vakacava nomu veiwekani kei Jiova na ituvaki o sotava qo?

Au vakila ni volekati au dina o Jiova. E dua na Tama dauloloma, e veikauaitaki tale ga. Au vakadinadinataka sara ga nona tokoni keirau vakaveiwatini. Ena gauna ni veilewai, au masuti Jiova qai vakila ni tu e yasa i keirau. Qori e vukei au meu lomavakacegu qai kua ni rere.

Tikinivolatabu cava e vukei iko mo vosota ena marau?

Na Same 118:6, 7. Na tikinivolatabu qori e vukei au meu kila nira malumalumu sara na keda meca ni vakatauvatani kei na Dauveibuli Cecere ni lomalagi kei na vuravura. E lewa tu na ka kece o koya. O ira na tamata era na sega ni tarova na vakayacori ni nona inaki. Au vakila niu taqomaki ena ligana kaukaua!

Dina nira tusaqati tiko na tacida e Rusia, ia e vukei ira o Jiova mera marau tiko ga. Eda kila ni na solia tiko ga vei ira na tacida qo, na “marau kei na vakacegu.”—Roma 15:13.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU