30 EPERELI, 2021
RUSIA
Nuitaki Jiova e Dua na Tacida iTabaqase ni Tusaqati
IROGO VOU | Sega ni Vaakdonui Nona Kerekere
Ena ika25 ni Okosita 2021, e sega ni vakadonuya na Primorye Territory Court mai Rusia, nona kerekere o Sister Lyudmila Shut. Gauna qo ena vakatatabutaki tiko ga, ia ena sega ni biu e valeniveivesu.
Ena ika19 ni Me 2021, e vakataulewataka na Nadezhdinskiy District Court of the Primorye Territory mai Rusia, ni cala o Sister Lyudmila Shut,e dua na tacida itabaqase yabaki 73. Ena vakatatabutaki me va na yabaki.
Kena iTukutuku
Lyudmila Shut
Sucu: 1947 (Makarov, Sakhalin Island)
Me baleti koya: Vulica na iVolatabu kei ira na iVakadinadina i Jiova ena itekitekivu ni veiyabaki ni 2000. E dau taleitaka na parofisai ena iVolatabu qai papitaiso ena 2003. E takali tale ga ena yabaki qori o watina. E tolu na luvena, e tolu tale ga na makubuna. E tauvimate bibi, e sega ni rawa kina ni taubale.
iTukutuku ni Veilewai
Ena Noveba 2017, era tekivu vakaraica tiko na ivakalesilesi na ka era cakava na tacida ena koro o Razdolnoye. Ena Feperueri 2020, e tekivu vaqaqai o Sister Lyudmila Shut. Dina ga ni tautauvimate qai dredre nona veilakoyaki, ia e vakatatabutaki ga.
Sa qai tauvimate ga vakalevu qai yalolailai ena gauna ni veilewai. E leqa vakalevu na matana qai vinakati me sele. E dau dredre ni moce ena gauna qo. Ia e nuidei o Lyudmila ni na taqomaki koya o Jiova ke nuitaki koya vakatabakidua. Me vaka ga e tukuni ena Aisea 26:3, e ‘vakacegui koya tiko ga’ o Jiova.
Era tokoni koya vakayalololoma na mataveitacini. Dua na ka e dau vakavinavinakataka vakalevu o Lyudmila, ya na nodra dau masulaki koya na tacida. E kaya. “Au na sega vakadua ni guilecava qori.”
E dina ni rau sega ni iVakadinadina i Jiova e rua na luvena, ia e rau dau tokoni koya ena gauna dredre qo.
Ni waraki tiko na macala ni veilewai, eda vakadeitaka ni na nuitaka tiko ga o Sister Lyudmila Shut na “kaukaua ni Kalou.”—2 Timoci 1:8.
Rawa ni o Wilika Tale ga
ITUKUTUKU VOU
Vesu ena Vuku ni Nodra Vakabauta—Rusia
Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.