OKOSITA 8, 2024
RUSIA

‘O Jiova e Noqu iDrodro qai Dauveitaqomaki’

SARAVA/ROGOCA

Ena vakarau tauca na mataveilewai na Vyselkovskiy District Court of the Krasnodar Territory mai Rusia na lewa me baleti Sister Lyudmila Zinina. E se bera ni kerea na dauveibeitaki na kena itotogi.

Kena iTukutuku

Lyudmila Zinina

Sucu: 1951 (Berezanskaya, Krasnodar Territory)

Me baleti koya: A cakacaka tu vaka-nasi

Rau vakamau kei Pyotr ena 1973. E rua na luvedrau yalewa. Ena 2012 a leqa kina na luvedrau tagane. E veilewai tale ga ena dua tani tale na kisi na luvedrau goneyalewa gone o Irina

E marau vakalevu o Lyudmila na imatai ni gauna a wilika kina yaca ni Kalou ena ivolatabu. A papitaiso me dua na iVakadinadina i Jiova ena 1999

Ka e Tukuna

Na tikinivolatabu cava e vukei iko mo kua ni soro?

Qai kuria tale na leqa na levu ni tauvimate e tauvi au tu. Noqu dau vakasamataka na Vakarua 30:20 e vukei au me donu tiko ga kina noqu rai. E vakarota vei na Isireli o Mosese ni bibi mera lomani Jiova, rogoci koya, qai kabiti koya, “ni o koya ga e nomu bula, ena vukuna tale ga ena dede kina nomu tiko.” E uqeti au sara ga na malanivosa qori. Au vakadeitaka ni kevaka au yalodina tiko ga vei Jiova, ena sega ni vakalaiva o koya e dua na ituvaki ena dredre kina vei au meu vosota. Dina niu sa bula tautauvimate, ia au nuitaki Jiova ni o koya ena vakabulai au, qai taqomaki au.

Me vakataki Lyudmila, meda vaqaqacotaka mada ga na noda Kalou o Jiova, ni na sega ni biuti ira na dau nuitaki koya.—Vakarua 31:6.

Veitaravi ni Gauna

Feperueri 13, 2022

Caka na vaqaqara ena vale nei Lyudmila, watina , kei na luvedrau yalewa o Irina
Me 23, 2023

Tekivu na veivaqaqai. E beitaki ni tuvanaka na cakacaka ni isoqosoqo e vakavuna na tikoyavavala ni tukuna nona vakabauta
June 9, 2023

Okati na yacadratou ena lisi ni lewenivanua era vakavuna na tikoyavavala
Julai 11, 2023

Vakatabui me gole ena dua tale na vanua
Feperueri 8, 2024

Tekivu veilewaitaki

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU