OKOTOVA 18, 2024
RUSIA

“O Jiova ena Vakaicovitaki Au”

SARAVA/ROGOCA

Ena vakarau tauca na lewa na mataveilewai na Vyselkovskiy District Court of the Krasnodar Territory mai Rusia, ena kisi me baleti Sister Vasilina Penskaya. E se bera ni kaya na dauveibeitaki na kena itotogi.

Kena iTukutuku

Vasilina Penskaya

Sucu: 1997 (Vyselki)

Me baleti koya: E dauvavavi (pastry chef)

E mai kilai ira na iVakadinadina i Jiova vei tinana. E taleitaka o Vasilina na ivakasala ena iVolatabu ena sala me digitaka kina na itokani vinaka. Papitaiso ena 2014

Rau vakamau kei Dmitry ena 2018

E veilewaitaki tale ga ena dua tale na kisi o Sister Yelena Rumyantseva na tinai Vasilina

Ka e Tukuna

Cava e vukei iko me qaqaco nomu vakabauti Jiova?

Nida tusaqati e rawa nida galili da qai sega ni kila na ka meda cakava. Keu vakasamataka tiko ga na ituvaki qori au na rawa ni yalolailai, au vakawalena tale ga noqu ka vakayalo. Ia au vakila ni o Jiova e solia vei au na kaukaua meu vosota tiko ga. E vakamareqeta o Jiova na noda veiqaravi vua. E sega ni dua na ka au rawa ni solia lesu vua, ia e raica qai mareqeta noqu sasaga meu qaravi koya. E rogoca noqu masu qai qusia vakaivakatakarakara na wainimataqu ena veivakacegui ni nona Vosa. Niu rere, au vakila nona veitaqomaki kei na nona veitokoni ni vakayagataki ira na mataveitacini. E dau vakaukauataki au niu saga meu tutaka na yacana. Era dau vakacacani vakalevu na dauveiqaravi i Jiova, e rawa ni yaco qori e koronivuli, vanua ni cakacaka, se i vale. Ia au nuidei ni o Jiova ena vakaicovitaki au kei ira era yalodina tiko vua.

Eda marau nida kila ni o Jiova e raica tiko na nodra vakacacani na nona dauveiqaravi. E vakadeitaka tale ga vei ira ni ‘tiko na isau ni nodra cakacaka.’—Jeremaia 31:16.

Veitaravi ni Gauna

Feperueri 13, 2022

Caka na vaqaqara e nona vale
Me 23, 2023

Tekivu vaqaqai. E beitaki ni cala ena nona veivosakitaka na iVolatabu qai vakaitavi ena soqoni ni iVakadinadina i Jiova. Sogo nona akaude ni baqe
Julai 18, 2023

Vakatabui me gole ina dua tale na vanua
Janueri 31, 2024

Tekivu veilewaitaki

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU