24 ME, 2022
RUSIA

Ratou Dei tu ga na Tacida ni Tau na Lewa

SARAVA/ROGOCA

Ena ika28 ni Maji 2022, e tauca na lewa na mataveilewai na Khostinskiy District Court of Sochi mai Rusia, ena kisi me baleti Brother Vladimir Deshko, Brother Yuriy Loginskiy, Brother Yuriy Moskalev, kei Sister Tatyana Velizhanina. O Brother Deshko e vesu me dua na yabaki, qai va na vula. O Sister Velizhanina e vesu me dua na yabaki, qai lima na vula. Sa oti qo e dua na yabaki nodrau vesu, rau na sega tale ga ni biu e valeniveivesu ena gauna qo. Rau na vakatatabutaki e vale me rua na yabaki o Brother Loginskiy kei Brother Moskalev. Rau na sega tale ga ni biu e valeniveivesu ena gauna qo.

Veitaravi ni Gauna

24 Maji, 2021

Ratou vesu vakawawa. Beitaki ni ratou vakaitavi ena cakacaka ni isoqosoqo e vakavuna na tikoyavavala
26 Maji, 2021

Vesu o Brother Deshko kei Sister Velizhanina ena valenivesu e 400 na kilomita na kena yawa. Rau vesu e vale o Brother Loginskiy kei Brother Moskalev
3 Feperueri, 2022

Sere mai o Brother Deshko qai vakatatabutaki e vale
3 Maji, 2022

Ratou tekivu veilewai
4 Maji, 2022

Sere mai o Sister Velizhanina qai vakatatabutaki e vale

Kedratou iTukutuku

Yuriy Loginskiy

Sucu: 1966 (Sochi, Krasnodar Territory)

Me baleti koya: Dau tuva iukuuku ni fuloa (tiles). Rau vakamau kei Svetlana ena 1987. E dua na luvedrau tagane

Papitaiso kei watina ena 1996

Ka e Tukuna

Cava o sega ni rawa ni cakava ena gauna o vesu tu kina e vale?

Ena loma ni dua na siga e vakatarai ga meu taubale me rua na aua mai na 10 na kaloko ena mataka ina 12 ena sigalevu. Kena ibalebale, au na sega ni rawa ni cakacaka. E vakatabui tale ga meu vakauta se taura na ivola, telekaramu (telegram), se meu vakayagataka na sala ni vakau itukutuku, wili kina na internet.

Sala cava e veivuke kina o Jiova ena nomu vuvale?

E sega ni kauaitaki au ga o Jiova, e kauaitaki rau tale ga na noqu veitinani. . . . E kila vinaka tu o koya nodra sasaga yadua na lewenivuvale mera veivukei. Kena ibalebale, nira sotava na ituvaki dredre ena rawarawa nodra vosota nira nuitaka na veitokoni i Jiova.

Yuriy Moskalev

Sucu: 1964 (Yeginsu, Kazakhstan)

Me baleti koya: Lewena tu na mataivalu, oti e ovisa e Sochi. Rau sa mate na nona itubutubu, kei na rua na tacida. Rau vakamau kei Nadezhda ena 1987. E dua ga na luvedrau yalewa

Vulica na iVolatabu kei ira na iVakadinadina i Jiova ni oti nona dikeva na ka e tukuna na iVolatabu, kei na nodra ivakavuvuli na lotu Orthodox. Papitaiso ena 2005. Ena yabaki e tarava, e papitaiso o watina

Ka e Tukuna

Cava o vulica ena ituvaki o sotava qo?

E toso tiko na bula, meu saga tale ga meu vakamarautaki Jiova ena ka au cakava. Au vinakata meu yalodina tiko ga vei Jiova niu na vakaicovitaki kina ena gauna se bera mai. O Jiova ena tokoni au tu ga. . . . Se mani ituvaki dredre cava au sotava, au nuidei ni kila vinaka o Jiova na ka me caka. Ena sega vakadua ni biuti au, se mani vanua cava au tiko kina.

Eda nuidei ni o Jiova ena tokoni ratou na tacida yalodina qori, ena vakayaloqaqataki ratou tale ga ni vakarautaka na ka ratou gadreva ena gauna dredre qo.—Same 89:21.

a b E dredre me tauri mai nona itukutuku.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU