20 JANUERI, 2022
RUSIA

Ratou Nuitaki Jiova Tiko Ga na Tacida e Karpinsk

SARAVA/ROGOCA

Ena vakarau tauca na mataveilewai The Karpinsk City Court of the Sverdlovsk Region mai Rusia na lewa me baleti Sister Darya Dulova, Sister Venera Dulova, Brother Aleksandr Prianikov kei watina o Sister Anastasiya Prianikova, kei Sister Svetlana Zalyaeva. E se bera ni kerea na dauveibeitaki na kedratou itotogi

Veitaravi ni Gauna

27 Janueri, 2020

Ratou totogitaki o Aleksandr, Darya, kei Venera ena dua tale na kisi ni veilewai
Feperueri 2020

Tekivutaki tale na ikarua ni kisi ni nodratou veilewai
30 Maji, 2020

Era vaqaqara na vakailesilesi ena nodratou vale na tacida qo, era qai kauta na nodratou iyaya vakalivaliva
19 Me, 2020

Rau okati tale ga o Anastasiya kei Svetlana ena nodratou kisi ni veilewai. Rau qai vakaroti me rau kua ni biuta nodrau itikotiko
29 Epereli, 2021

Tekivu veilewaitaki

Kedratou iTukutuku

Venera Dulova

Sucu: 1968 (Karpinsk, Yasayasa o Sverdlovsk)

Me baleti koya: Susugi koya o tinana kei buna. E taleitaka na culacula, wilivola kei na vuli. Rau mate o tinana kei buna ni bera ni yabaki 17. Vakamau ena 1990. E tolu na luvena

Dau via kila na vuna eda mate kina kei na veika ratou na sotava na luvena ena veigauna se bera mai. Tekivu vulica na iVolatabu kei ira na iVakadinadina i Jiova ni yabaki 28. Papitaiso ena 1998

Ka e Tukuna

E tokoni iko vakacava o Jiova ena gauna dredre qo?

Ira na weka era dau veitusaqati tu e liu era sa kauaitaki keirau ena gauna qo. E dau vakavinavinakataki au o watiqu qai vakayaloqaqataki au. . . . E vukei keirau tale ga o Jiova ni vakayagataki ira na tacida mera vakayaloqaqataki keirau

Ni oti na imatai ni vaqaqara e vale, au lomaleqa sara ga niu vakasamataka niu sa na beitaki meu daubasulawa. Ia e kaya vei au e dua na noqu itokani meu nanuma niu na rawa ni vakamalumalumutaki vuravura me vakataki Jisu.’

Aleksandr Prianikov

Sucu: 1987 (Udinsk, Yasayasa o Khabarovsk)

Me baleti koya: Taleitaka na ivakatagi, kei na mataqali piano na accordion. E daunilivaliva ena dua na kabani. Gauna qo e dau tuva taile (tiles)

E vakabauta ni bula tiko na Kalou. E uqeti koya na yalayala ni Kalou ni sa na sega tale na mate. Papitaiso ena 2004. Vakamau kei Anastasiya ena 2011

Ka e Tukuna

Sala cava era vakayaloqaqataki iko kina na mataveitacini ena gauna dredre qo?

E uqeti keirau e dua na tacida me keirau wilika na Same 139:1. E kaya ni lomani keirau vakalevu o Jiova, e kila vinaka tu na ka keirau vakasamataka, vakila, kaya se cakava. . . . E kila tale ga o Tui Tevita ni kauaitaki keda yadudua o Jiova. . . . E kila vinaka tu na veika eda sotava. Meda kua vakadua ni nanuma nida tu taudua. E tarai au sara ga na veika e tukuna na tacida qori. Au kila ni tu ga e yasaqu o Jiova ena veisiga.

Nira tusaqati tiko na tacida e Rusia, e vakayaloqaqataki keda nida raica na sala e lomani ira qai tokoni ira kina o Jiova. Ni vakatovolei na nodra vakabauta e ‘vakacaucautaki, lagiti qai dokai’ kina na yaca i Jiova.—1 Pita 1:7.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU