Ena tau ena ika2 ni Seviteba 2020, * ena mataveilewai ni siti o Berezovsky ena yasana o Kemerovo

Vesu me ono veimama na yabaki

Sergey Britvin

• Siga ni Sucu: 1965 (Yasana o Kemerovo)

• Kena italanoa: Vica vata na yabaki nona draivataka tu na lori lelevu kei na misini ni usaiyaya lelevu. E cegu mai na cakacaka qori ena vuku ni tauvimate. E dau qito

• E vakawatitaki Natalya ena 1992. Tekivu vulica tale ga na iVolatabu ena 1995, ni mai kila ni tiko na inuinui ni veivakaturi. Oti e vica na yabaki e vulica tale ga o Natalya na iVolatabu. E qoroya na dei ni vakabauta i Sergey, kei na nona veisautaka na nona itovo

Vadim Levchuk

• Siga ni Sucu: 1972 (Yasana o Kemerovo)

• Kena italanoa: Susu ena vuvale e sega ni vakabauta na Kalou. Qai cakacaka ena qara ni keli koala me 14 na yabaki

• Tekivu vulica na iVolatabu ena 1992. Vakawatitaki Tatiana ena 1997. E rua na luvena. Eratou doka vakavuvale na iVolatabu. Eratou dau taleitaka na qito kei na cakacaka e tuba

Ena ika22 ni Julai 2018, era curuma vakaukaua na ovisa e walu na nodra vale na tacida ena siti o Berezovsky. Erau mani vesu qai vakatarogi kina o Brothers Britvin kei Levchuk. E vakatulewataka sara na Mataveilewai ni Tikina e Kemerovo me rau vesu qai wawa veilewai. Erau vesu tu kina me voleka ni dua veimama na yabaki. Ena ika25 ni Tiseba 2019, erau tokitaki ina nodrau vale, rau qai vesu tu kina me yacova mai qo.

O Brother Britvin kei Levchuk erau dua vei ira na lewe lima na tacida eratou totogitaki ena yasana o Kemerovo ena vuku ni nodratou vakabauta. Eda nanumi ira vakalevu ena masu na tacida era vesu tu e Rusia ena vuku ni nodra vakabauta. Me vaka ga e tukuni ena Iperiu 13: 3: “Ni dau nanumi ira na tu e valeniveivesu me vaka sara ga oni vesu tu kei ira, ni nanumi ira tale ga na vakacacani, ni oni se bula tiko e vuravura.”