Ena ika16 ni Seviteba 2020, * ena tauca kina na Mataveilewai ni Tikina o Sverdlovskiy ena siti o Kostroma na macala ni nodrau kisi o Brother Sergey Rayman kei na watina o Valeriya. E rawa ni rau vesu me vitu na yabaki.

Sergey Rayman

• Siga ni Sucu: 1996 (Kineshma, Yasana Ivanovo)

• Kena italanoa: Vulica na tarataravaki ena dua na koronivuli ni vuli tara. Kenadau sara ena ukutaki ni lomanivale. E vulica vei buna me doka qai taleitaka na iVolatabu. Vakamautaki Valeriya ena 2015. E dau taleitaka na vakasaqa kei na vakatasisisi ena waicevata

Valeriya Rayman

• Siga ni Sucu: 1993 (Sharya, Yasana o Kostroma)

• Kena italanoa: E mate o tamana ni se qai yabaki 10. E vakavulici koya o tinana ena veika me baleti Jiova. E daucaka ulu

Ena matakalailai ni ika25 ni Julai 2018, era curuma vakaukaua na nodrau vale o Brother kei Sister Rayman na sotia era vakadakai, era qai basuka na nodrau vale ena kuruva. Era vesuki rau na ovisa. E vesu o Sister Rayman me rua na siga. O Brother Rayman e vesu tu me 59 na siga. Erau tarovi vei ira na ovisa me rau veitaratara kei ira na iVakadinadina i Jiova. Erau vakatabui tale ga me rau kua ni biuta na nodrau vale ena bogi. Na ituvaki qori e vakavuna sara ga me rau nuiqawaqawa qai tautauvimate.

Ni rau waraka tiko na nodrau veilewai na veiwatini gone qo, meda kerea mada ga vei Jiova me solia vei rau na kaukaua kei na yaloqaqa, me tokoni rau tiko ga.—Josua 1:9.