Ena ika27 ni Janueri 2021, a ena tauca na mataveilewai ni yasana na Nadezhdinskiy District Court of the Primorye Territory e Rusia na lewa me baleti Brother Vladimir Filippov, e yabaki 77. Ena rawa ni vesu me ono veimama na yabaki.

Vladimir Filippov

• Sucu: 1943 (Oktyabrskiy, e Novosibirsk)

• Kena italanoa: Ni bera ni sucu, sa takali o tamana ena iKarua ni Valu Levu. Ena 1964, e vakoroi ena Tomsk Artillery School me iliuliu ni mataivalu. Rau vakamau kei Lyubov ena 1967. A lewena tu na mataivalu me 27 na yabaki ni bera ni cegu mai na nona cakacaka

  Ena 1994, e vulica na iVolatabu o Lyubov, oti e vuli tale ga o Vladimir. Rau papitaiso vata sara ena yabaki tarava

Ena Okosita 2017, era katona lo na vakailesilesi na vidio kei Vladimir kei na so tale na tacida tagane e Razdolnoye. Vica vata na vula nodra katona lo tiko nona itavi ena soqoni kei na nona veivosakitaka na iVolatabu vei ira na tiko veitikivi.

Ena ika19 ni Julai, 2018, era vakaiyaragi qai vakamatavulo na Tabana ni Veitaqomaki ni Matanitu (Federal Security Service) (FSB), ra qai curuma vakaukaua nona vale. E lauvacu na mata i Vladimir (gauna qori e yabaki 75 tiko kina), qai vakaroti me davo ena fuloa. E vesu na ligana i dakuna, ra qai vaqaqara ena loma ni nona vale. E curumi vakaukaua na nona vale ena Okosita 2019, qai caka tale qori ena Janueri 2020. Oti na ikarua ni nodra vaqaqara sa qai beitaki ni cala.

Me solia mada ga o Jiova vei ira na tacida na kaukaua, kei na igu me rawa nira dei ra qai marau tiko ga!—Aisea 40:29, 31.