Ena imatai ni Feperueri 2021, a e tauca na mataveilewai ni yasana na Birobidzhan District Court e Rusia, na lewa me baleti brother Igor Tsarev. Ena rawa ni vesu me va na yabaki.

Igor Tsarev

• Sucu: 1974 (Birakan, e Jewish Autonomous)

• Kena iTalanoa: Rua na tacina yalewa. Ni se vuli tiko e dau musu kau, e matai, e dau ni livaliva tale ga me vukei ratou kina nona vuvale. Taleitaka na veika bula kei na siwa

• Ni se tu ena mataivalu e dau via kila na inaki ni bula. Rau lai vulica sara kina kei tamana na iVolatabu. Papitaiso ena 1997. Ena 1998, rau vakamau kei Viktoriya, qai dua na luvedrau e se vuli tiko

Ena ika30 ni Julai 2019, e beitaki vei ira na vakailesilesi ni daubasulawa o brother Igor Tsarev. Era kaya ni cala na nona vulica tiko na iVolatabu “me wasea kina na ka era vakabauta na iVakadinadina i Jiova.” Era katona lo tale ga na Federal Security Service na vidio ni soqoni me beitaki kina. Era kerea na dauveibeitaki me kua ni kilai levu na nona veilewai. Na vuna? Era kaya ke ra na rogoca na tamata na veilewai qo, era na rawa ni temaki talega mera iVakadinadina i Jiova. E mani vakadonuya na mataveilewai na nodra kerekere.

E kaya o Igor: “Ena veisautaka noqu ivakarau ni bula na vakataulewa ni mataveilewai. Sa cakava tiko qori, e vakatabuya meu gade. Au vakasaurarataki tale ga e vanua ni cakacaka meu tukuna vei noqu boso na vuna era vaqaqai au tiko kina na ovisa. E sega ni taura rawa noqu boso kei ira au cakacaka vata na vu ni noqu beitaki niu basulawa. Ia era kaya nira na vakacacani ga na lotu vaKarisito.”

Meda masulaki brother Igor kei na nona vuvale. Eda kila ni o Jiova ena ‘vakayaloqaqataki ratou ena yalona tabu.’—Efeso 3:16.