Ena ika3 ni Noveba 2023, e sere mai valeniveivesu o Brother Aleksandr Shevchuk. Ena 2019, a vesu me wawa veilewai, oti e beitaki ni cala. E mani biu e valeniveivesu ena ika25 ni Okosita 2022.

Ni bera ni vesu, e vakamacalataka o Aleksandr na ka e vukei koya me donu tiko ga nona rai ena gauna e rogoci kina nona kisi. E kaya: “Au saga meu vakasamataka ni sega ni bibi meu winitaka noqu kisi, e bibi ga meu yalodina tiko vei Jiova. Au sega ni kauaitaka sara vakalevu na vakatulewa ni mataveilewai, au vunau tiko ga vei ira e levu. Noqu vakasamataka tiko qori, e vukei au meu vosota tiko ga ena marau.”

E kaya o Aleksandr ni vakacegui koya tale ga na Same 91 ena gauna e vesu tiko kina. Ena tikina e 15, e vakadeitaka o Jiova vei ira nona dauveiqaravi yalodina: “Ena kacivi au, au na qai rogo yani vua. Au na tiko kei koya ena gauna ni leqa. Au na vakabulai koya qai vakalagilagi koya.”

Eratou tusaqati tale ga nona lewenivuvale ena vuku ni nodratou vakabauta. Ena 1951, rau a kau vakavesu na tubuna vakarua kei ira e voleka ni le 10,000 na tacida i Siberia. Rau qai lai sucu i kea na nona itubutubu o Aleksandr.

Eda vakavinavinakataka nona ivakaraitaki o Aleksandr, ratou nona vuvale, kei ira kece era yalodina voli mai ena nodra tokona na veiliutaki cecere i Jiova.—1 Cesalonaika 1:2, 3.