TISEBA 6, 2023
RUSIA

“Sega ni Dua na ka ena Vakaluluqataka Noda Vakabauti Jiova”

SARAVA/ROGOCA

Ena vakarau tauca na lewa na mataveilewai na Kaltanskiy District Court of the Kemerovo Region mai Rusia, na kisi me baleti Brother Aleksandr Tsikunov. E se bera ni kerea na dauveibeitaki na kena itotogi.

Kena iTukutuku

Aleksandr Tsikunov

Sucu: 1967 (Kaltan)

Me baleti koya: E cakacaka vakaidinia

Rau vakamau kei Yelena ena 1989

E sega ni vakabauta na Kalou. E mai kila na ka dina vua e dua rau cakacaka vata, e iVakadinadina i Jiova tale ga. Oti e ono na vula nona wilika taucoko na iVolatabu sa qai vulica na iVolatabu. Papitaiso ena 1997. E wasea sara na ka dina e vulica vei tinana, ganena, kei na watina o Yelena, ratou qai iVakadinadina i Jiova tale ga

Ka e Tukuna

Na italanoa vakaivolatabu cava e vukei iko vakalevu ena gauna dredre qo?

E vakayaloqaqataki au nona ivakaraitaki na parofita o Taniela. E kaya ena Taniela 6:4, 5: “Erau qara tiko ena gauna oya na vakailesilesi lelevu, kei ira na vakailesilesi liu ni yasana eso na ka mera beitaki Taniela kina me baleta na matanitu, ia era sega ni kunea e dua na cala se ilawaki ni dau nuitaki o koya, e sega ni kune ni dau vakawelewele se lawaki. Era qai kaya na tagane qo: ‘Eda na sega sara ga ni raica e dua na ka meda beitaki Taniela kina, eda na kunea ga na ka me vakacalai kina ena lawa ni nona Kalou.’” Era sega ni kunea na tagane qo e dua na cala me beitaki kina o Taniela. Ia era bulia e dua na lawa mera beitaki koya ena nona yalodina kei na nona qarava na Kalou. Era yadravi koya ra qai waraka tu mera vesuki koya. Ia e tomana tiko ga nona sokalou vei Jiova o Taniela me vaka ga nona sa dau cakava tiko. E vakadinadinataka o koya na veika e yaco ena veitabagauna, oya ni sega ni dua na ka dredre ena vakaluluqataka noda vakabauti Jiova. Na ivakaraitaki qori e vukei au meu yalodina tiko ga noqu sokalou vei Jiova.

Eda vakavinavinakataka na nodra ivakaraitaki ni yalodina e levu, eda kila kina ke da vakararavitaka noda vakabauta vei Jiova kei na Luvena o Jisu Karisito eda na sega ni rarawa.—Roma 10:11.

Veitaravi ni Gauna

Epereli 27, 2021

Tekivu vaqaqai
Me 2, 2021

Caka na vaqaqara e nona vale. E mani kau qai lai vesu vakawawa
Me 4, 2021

Sere qai vakatatabutaki e vale
June 24, 2021

Laveti nona vakatatabutaki i vale, ia e vakatabui me gole ina dua tale na vanua
Julai 25, 2023

Tekivu veilewai

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU