Ena ika28 ni Okotova 2020, e sega ni vakadonuya na mataveilewai e Dimitrovgrad e Rusia me sereki totolo o Brother Konstantin Bazhenov, e totogitaki tale ga vakailavo. E soli vua e tini na siga me kerea me rogoci tale nona kisi.

E rere o Brother Bazhenov ena imatai ni gauna e vesu kina vakawawa ena June 2018. Ia e vakananuma qai vola e rauta ni 500 na tikinivolatabu. Toso na gauna, e soli vua e dua na iVolatabu qai wilika ena loma ga ni va na vula. E volaivola tale ga vei ira eso tale me vakayaloqaqataki ira vakaivolatabu. E lagata tale ga na noda sere, qai kerea wasoma ena masu nona veivuke o Jiova.

E sivia e 340 na siga nona vesu tu vakawawa o Brother Bazhenov. Ena Seviteba 2019, oti nona beitaki vakailasu qai tu e valeniveivesu me tolu veimama na yabaki, e tomana tiko ga nona ituvatuva vakayalo. Ena veivuke ga i Jiova e rawa ni vakananuma kina na mate i Jisu e valeniveivesu. Nona volekati Jiova e rawa ni vosota kina ena marau na veika rarawa. Meda nanumi Brother Bazhenov mada ga ena masu.