Ena ika26 ni Okotova 2020, e sega ni vakadonuya tale na mataveilewai ni yasana o Lgov e Rusia, me sereki totolo o Brother Dennis Christensen. Sa sivia e tolu na yabaki nona vesu tiko. E soli vua e tini na siga me kerea me rogoci tale nona kisi. E totogitaki me sereki ena Me ni 2022. Qori e okati kina na balavu ni gauna e wawa veilewai tu kina. Ia ena vula sa oti ra beitaki koya na vakailesilesi e valeniveivesu ni “dau beca vakalevu” na kena lawa. Koya gona, ena rairai sega ni sereki ena Me ni 2022.

Na gauna e vesu kina o Brother Christensen ena ika25 ni Me 2017, rau sotava vakalevu kei watina o Irina e levu na ituvaki dredre. Ia rau marau qai yalodina tu ga ni vakatovolei nodrau vakabauta. E rawa qori ena noda veinanumi ena masu na mataveitacini e veiyasa i vuravura.