Ena ika7 ni Epereli 2020, e sega ni vakadonuya na Vale ni Volavola ni Dauveibeitaki e Belarus, me vakau lesu o Brother Nikolay Makhalichev e Rusia, qai vakatulewataka me sere me vakananuma na mate i Jisu kei ira na tacida e Belarus.

Ena ika21 ni Feperueri 2020, era vesuki Brother Makhalichev na ovisa ni gole tiko mai i Rusia i Belarus. Nira raica na nona ivolatara ni curu vanua na ovisa, era raica ni vaqarai sara tiko ga o koya e Rusia, e mani vesu. E beitaki ni tokona na isoqosoqo e vakavuna na tiko yavavala.

Ni oti e tolu na siga, era qai vesuki Brother Makhalichev na ovisa, era vinakata me vakau lesu i Rusia me lai veilewaitaki ena ka e beitaki kina ena Janueri 2019. Qo se qai imatai ni iVakadinadina i Jiova me vesu ena dua tale na vanua ena vuku ni veika e beitaki kina mai Rusia.

E yalodina tu ga o Brother Makhalichev ena gauna e vesu tu kina, ni dei tiko ga ena nona ituvatuva vakayalo. Ena vula o Maji, e va na nona vuli iVolatabu, qai 198 nona aua ena cakacaka vakaitalatala.

Eda vakadeitaka nira nuitaki Jiova tiko ga na tacida mai Rusia me nodra ivakaruru, me nodra uluvatu tale ga nira sotava na ituvaki dredre.—Same 142:5.