Ena ika19 ni Janueri 2021, e sega ni vakadonuya na mataveilewai na Kamchatka Territory Court e Rusia, nona kerekere o Brother Sergey Ledenyov. Ena sega ni bala e valeniveivesu, ia sa na tekivu vakatatabutaki me rua na yabaki.

Ni bera ni tau na kena lewa e vakadonui me vosa ina mataveilewai. E doudou ni vakamacalataka nona vakabauta kei na nona yalodina tiko ga vei Jiova. E kaya: “E sega ni yavutaki noqu vakabauta ena ka e tukuna e dua na isoqosoqo, ia e yavutaki sara ga mai na iVolatabu. Kena ivakaraitaki, ‘e tiko o koya e tara na vale yadua, ia o koya e tara na ka kece ga na Kalou,’ na yacana o Jiova. (Iperiu 3:4; Lako Yani 15:3) Keu mani totogitaki mada ga na veivosa qori ena tu ga ena iVolatabu, ena dei tale ga e lomaqu.”