Ena ika23 ni Tiseba 2020, e sega ni vakadonuya na mataveilewai na Kemerovo Regional Court nona kerekere o brother Khasan Kogut. Koya gona, sa na tekivu vakatatabutaki me rua veimama na yabaki. Ena gauna qo ena sega ni bala e valeniveivesu.

Dina ni vakarogorogocataki o Khasan ena lewa e tau qo, ia e lomavakacegu qai kila ni vakadonui koya tiko o Jiova. Ratou vakadeitaka me ratou yalodina tiko ga vei Jiova o Khasan, na watina o Yekaterina, kei na luvedrau yabaki walu o Timofey.

Ena ika10 ni Seviteba 2020, e doudou ni cavuta na iotioti ni nona vosa ina mataveilewai. Qo na ka e kaya: “Au na yalodina tiko ga vei Jiova, au okata tale ga me basulawa na noqu beitaki vakailasu! Au vakabauta dei tu se mani tuvaki cava au sotava, ena ‘sega ni rawata na mate, na bula, na agilosi, na veimatanitu, na veika era tu nikua se veika ena yaco mai, na kaukaua cava ga, se dua na ka mai cake se ka e ra, se dua tale na kabuli, me tawasei keda mai na loloma ni Kalou.’”—Roma 8:38, 39.