Ena ika9 ni Okosita 2024, e sere o Brother Aleksandr Parkov mai na valeniveivesu e Rusia. Ena ika29 ni Julai 2021 e beitaki ni cala qai totogitaki me ono veimama na yabaki e valeniveivesu. A vesu tu vakawawa o Aleksandr ni bera ni tau na kena itotogi, ia qo e sa vakacavara na kena itotogi.

E sivia ni lima na yabaki na nodrau veiyawaki tu o Aleksandr kei na watina o Sister Galina Parkova. Ena gauna qori e veilewaitaki tiko o Galina ena dua tale na kisi qai vesu tu vakawawa me rua na yabaki tolu na vula. Ena vuku ni veika e beitaki kina e sa vakacegui mai na nona cakacaka.

Ena gauna e vesu tu kina o Aleksandr e vakatarai vua me veitaratara kei watina ni qiri ena talevoni se vola ivola. E dau vakayaloqaqataki watina me vosota na ituvaki dredre e sotava tiko. E kaya o Galina: “E dau vakananuma vakalevu vei au ni kevaka e tokoni keda o Jiova, e sega ni dua na ka meda rerevaka.”

Eda nuidei ni o Jiova ena vakalougatataki Aleksandr kei Galina ni rau duavata me rau qaravi koya tiko ga. Koya gona meda ‘yadra tiko ena noda gumatua ni masulaki’ ira kece na vesu tu ena vuku ni nodra vakabauta.​—1 Pita 4:7.