Ena ika26 ni Julai 2023, e sere mai valeniveivesu o Brother Sergey Klimov. E vesu tu me rauta e lima na yabaki ena valeniveivesu ena siti o Astrakhan e Rusia. E vesu ena imatai ni gauna ena ika3 ni June, 2018 qai wawa veilewai tu e valeniveivesu. E totogitaki ena ika5 ni Noveba 2019, qai kau ena dua tale na valeniveivesu.

Ena gauna qori, e vakatabui me raici watina o Yuliya me voleka ni ciwa na vula. E sega tale ga ni taura e levu na ivola a vakau vua. E sega sara ga ni vinaka na ituvaki e valeniveivesu, e lai tauvimate bibi kina. Ia e marau tiko ga o Sergey ni dau masu qai wili iVolatabu.

Era beitaki Sergey na vakailesilesi ni vakavuna na tikoyavavala ena vuku ni nona vakabauta. Ia e doudou ni tukuna o Sergey ni cala na veibeitaki qori, qai vakamacalataka na vuna e wasea kina na ka e vakabauta mai na iVolatabu. E kaya: “E Kalou dauloloma qai lewadodonu na noqu Kalou o Jiova. E yavutaki na veika au cakava ena loloma kei na noqu via vukei ira eso tale, au sega ni cakava qori ena veicati se niu via vakavuna na tiko yavavala.”

Eda marau ni rau sa duavata tale o Sergey kei Yuliya. Eda vakavinavinakataki Jiova ni vukei Sergey me yalodina tiko ga.—Josua 24:14.