Ena ika30 ni Maji 2020, e sere mai valeniveivesu o Bro Vladimir Alushkin, qai lesu i vale vei watina.

E sere ena vuku ni lewa a tauca na Mataveilewai ni Yasana o Penza ena ika25 ni Maji. E sega ni duavata na mataveilewai ena ka ratou beitaki kina o Brother Vladimir Alushkin, Vladimir Kulyasov, Andrey Magliv, o Denis Timoshin, vaka kina o Sister Tatyana Alushkina kei Galiya Olkhova. E kaya na Mataveilewai ni Yasana o Penza me rogoca tale e dua na turaganilewa na nodratou kisi ena mataveilewai a qarava na nodratou kisi eliu. Eratou se vakatatabutaki tiko ena so na ka, qai sega ni vakatarai me ratou veitosoyaki.

Dua na ka noda marau ni sa sere o Brother Alushkin. Ia ni oti ga e rua na siga, e beitaki tale e dua na tacida tagane ena vuku ni nona vakabauta ena tokalau vualiku kei Rusia. Nira sotava tiko na tacida e Rusia na ituvaki tawadodonu qori, eda kila nira na sega vakadua ni guilecava na ka e tukuni ena Neumi 1:7: “E vinaka o Jiova, na idrodro ena siga ni rarawa. E kilai ira na qara ivakaruru vua.”