Ena ika4 ni Okotova 2024, e sere mai na valeniveivesu e Rusia o Sister Nataliya Sharapova. Ena ika10 ni Julai 2024, a beitaki ni cala qai vesu tolu na yabaki. Ni bera ni tau na kena itotogi a vesu tu vakawawa me rua na yabaki, qo sa vakacavara na kena itotogi.

Ni rogoci tiko na nona kisi ena mataveilewai, e kaya o Nataliya: “E levu na taciqu yalodina era vakadeitaka tiko ga vei au nira lomani au. E vakavulica o Jisu: ‘Na ka qo era na kila kece kina ni dou noqu tisaipeli, ke dou veilomani.’ (Joni 13:35) Na ka kece au cakava au dau saga me yavutaki ena loloma.”

E ratou sa mai duavata tale o Nataliya kei na nona vuvale. Ia eda nuidei ni na vakaraitaka tiko ga o Jiova na kaukaua ni nona “loloma e dei” vei Sister Nataliya kei ira kece na nona dauveiqaravi era yalodina.​—Same 59:​16, 17.