Ena ika7 ni Maji, 2019, e vakatulewataka na mataveilewai e Khanty-Mansiysk, e Rusia me talaci na itotogi me vesu o Brother Artur Severinchik me vaka e vakarota na mataveilewai na Surgut City Trial Court. A sere mada ena nona lai wawa veilewai ena ika15 ni Maji.

O Brother Severinchik e dua vei ratou na le tolu na tacida a wawa veilewai tiko ena dua na valeniveivesu ena ika17 ni Feperueri, ni oti na kena curumi vakaukaua na siti e Surgut kei Lyantor. E sega ni vakadonuya na mataveilewai nodrau sere e rua tale na tacida o Yevgeniy Fedin kei Sergey Loginov.

Era kauai sara tiko kina vakalevu na dui matanitu kei ira na dauvolaitukutuku e veivanua. E vakarota tale ga na mataveilewai e Urope e dau valataka na dodonu ni tamata yadua (European Court of Human Rights), me dikevi vakavuniwai o Brother Loginov, ni a vakayacori vua na ivalavala voravora ena gauna e vesu tu kina. Eda marau ni sa sere tale o Brother Severinchik. Meda masulaka nira na nuitaki Jiova tiko ga na tacida era vesu tu e Rusia, mera nanuma tiko ni nona veitokoni era na “sega vakadua [kina] ni yavalati.”—Same 16:8.