Ena ika7 ni Okotova 2020, e kaya na mataveilewai ni yasana o Mayskiy e Rusia, ni sega ni cala o Brother Yuriy Zalipayev qai talaci na nona kisi. E soli vei ratou na dauveibeitaki e tini na siga me ratou kerea me rogoci tale na kisi.

Ratou kaya na dauveibeitaki ni uqeta tiko o Brother Zalipayev na tiko yavavala. Ia e sivia e 30 na lewenivanua era kaya ina mataveilewai ni sega ni dina qori. Era kaya ni dau uqeti ira ga eso tale mera wilika na iVolatabu, mera veikauaitaki qai lomani ira na tamata kece ga.

Na macala ni veilewai qo e salavata tiko kei na ka e tukuna e dua na tabana ni Matabose kei Vuravura (UN Working Group on Arbitrary Detention), nira sega ni dau vakavuna se vakaitavi na iVakadinadina i Jiova ena itovo voravora.

Qo na ka e kaya o Brother Zalipayev ni kacivaki oti na macala ni veilewai: “Sa tu vakarau o ira na wekaqu kei ira na mataveitacini ke mani tukuni meu vesu. Au vakavinavinakataki Jiova niu lomavakacegu tu ga ena gauna ni veilewai. Au marau qai vakavinavinakataki ira kece era vukei au ena noqu kisi me kilai kina niu sega ni cala.”