FEPERUERI 5, 2024
RUSIA

“Tataunaka na Nomu Sala Vei Jiova”

SARAVA/ROGOCA

Ena vakarau tauca na mataveilewai na Shadrinskiy District Court of the Kurgan Region mai Rusia, na lewa me baleti Brother Aleksandr Lubin. E se bera ni tukuna na dauveibeitaki na kena itotogi.

Kena iTukutuku

Aleksandr Lubin

Sucu: 1956 (Ogonek, Yasayasa o Kurgan)

Me baleti koya: Ni bera ni vakacegu mai na nona cakacaka, e dau cakacaka ena tabana e qarava na kena taqomaki na iyaya ni kabani

Rau vakamau kei Tatyana ena Okosita 2001. E rua na luvedrau

Tekivu vulica na iVolatabu o Tatyana kei ira na iVakadinadina i Jiova. A tauvi koya na strouk, e mani dau wilika tiko vua o Aleksandr na iVolatabu e vakavuna sara me tataleitaki. Ena 2003, rau papitaiso vakaveiwatini kei na rua na luvedrau

E tauvi Aleksandr e dua na mate mosimosi ni sui e tolona, e vakavuna me sa vakaititoko ni taubale. E dikevi vakavuniwai, qai laurai ni sa vakaleqai tu na sela ni yagona

Ka e Tukuna

O valuta vakacava na yalolailai ni o wawa veilewai tiko?

Sa bau dredre dina niu wawa veilewai tiko e valeniveivesu. E sega ni vakatarai meu gunu wainimate me vakamalumutaka na mosi ni yagoqu. Ia na imatai ni ka au cakava, au masu vei Jiova qai kerea meu sereki totolo. Toso na gauna, au sa qai kerei Jiova me vukei au meu dau vosovoso, meu kua tale ga ni nuiqawaqawa. Au dau masulaki ira tale ga na mataveitacini era curu tu e valeniveivesu. Au dau kaya lo, ‘Qo e lekaleka ga.’ Au kauaitaka ga kina vakabibi na nona vakalougatataki au o Jiova. E vukei au qori meu marau tiko ga. Yaco na gauna au sa sere mai. E uqeti au na Same 37:5, e kaya: “Tataunaka na nomu sala vei Jiova, vakararavi vua, ena qai yavala ena vukumu o koya.” Au nuidei ni o Jiova ena sega ni vakalaiva meda sotava na ka ni veivakatovolei eda sega ni taqea rawa. Ia ena vakarautaka na sala meda vosota kina na veika dredre nida nuitaki koya vakatabakidua.

Me vakataki Aleksandr, eda nuidei ke da sotava tiko na ituvaki dredre eda rawa ni vosota ena yalodina nida nuitaki Jiova.—⁠Aisea 38:⁠14.

Veitaravi ni Gauna

Julai 13, 2021

Beitaki ni daubasulawa
Julai 14, 2021

Caka na vaqaqara ena nodratou vale e walu na tacida. Vesu o Aleksandr, e vaqaqai qai vesu tu vakawawa
Julai 16, 2021

Tokitaki ena dua na valeniveivesu me lai wawa veilewai kina
Julai 19, 2021

Kerei me rogoci tale nona veilewai ni sa tauvimate bibi
Okosita 28, 2021

Sere o Aleksandr ena veivuke ni mataveilewai na European Court of Human Rights kei ira na valataka na dodonu ni lewenivanua, ia e vakatabui me gole ina dua tale na vanua
Julai 14, 2023

Tekivu veilewaitaki
Seviteba 7, 2023

Tosoi na nona siga ni veilewai ni sa curu e valenibula

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU