JULAI 26, 2023
RUSIA

‘Tokoni Au tu ga o Jiova’

SARAVA/ROGOCA

Ena vakarau tauca na mataveilewai na Dimitrovskiy District Court of Kostroma mai Rusia, na lewa me baleti Sister Valentina Samus. E se bera ni kerea na dauveibeitaki na kena itotogi.

Kena iTukutuku

Valentina Samus

Sucu: 1949 (Kostroma, Yasayasa o Kostroma)

Me baleti koya: E nasi, ia sa cegu ena gauna qo

Rau vakamau kei Ivan ena 1970. E dua na luvedrau tagane, dua tale ga na yalewa

E masulaka vua na Kalou ni via kilai koya. Sega ni dede e sotavi ira na iVakadinadina i Jiova, qai vulica sara na iVolatabu. Papitaiso ena 2007

Ka e Tukuna

E qaqaco tiko ga vakacava nomu veiwekani kei Jiova ena gauna dredre qo?

Au kila ni o Jiova e sega vakadua ni veisau, ena vukei au tale ga. O Jiova na Tamaqu e tokoni au tu ga o koya. Niu masu vua e dau seavu noqu nuiqawaqawa kei na rere. Au nuidei ni rogoca na ka kece au tukuna vua, e yaga tale ga vei au na ka kece e vakalaiva tiko me yaco. Qori e uqeti au meu yalodina tiko ga vua se mani cava e yaco. Dina nida vakacacani na tamata i Jiova, ia eda marau tu ga. E vakadinadinataka qori ni o Jiova e vakaukauataki keda me rawa nida yalodina tiko ga. Au dau kerea wasoma vua me dei tiko ga noqu lomani koya qai vaqaqacotaka noqu vakabauta.

Se mani ituvaki dredre cava eda sotava e veivakacegui nida kila ni o Jiova e rawa ni vukei keda. E ‘sega ni dua na uluvatu me vakataki koya na noda Kalou.’—1 Samuela 2:2.

Veitaravi ni Gauna

Feperueri 17, 2022

Tekivu na veivaqaqai
Maji 15, 2022

Caka na vaqaqara e nona vale
Tiseba 15, 2022

Beitaki ni daubasulawa qai vakatatabutaki
Maji 24, 2023

Tekivu veilewai

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU