Ena ika29 ni Epereli 2021, e vakataulewataka na mataveilewai ena Jewish Autonomous Region mai Rusia, ni cala o Brother Igor Tsarev. Ena vakatatabutaki me rua veimama na yabaki. Ena sega ni bala e valeniveivesu ena gauna qo.

Ena ika12 ni Feperueri 2021, e vakataulewataka na mataveilewai na Birobidzhan District Court of the Jewish Autonomous Region mai Rusia, ni cala o Igor. Ena vakatatabutaki me rua veimama na yabaki.

E dei qai donu tu ga nona rai o Igor ena gauna ni veilewai. Ena ika11 ni Feperueri 2021, e kaya ina mataveilewai: “Au vakasamataka vakatitobu na ka meu tukuna, au qai nanuma mai na ivakasala a tukuna na yapositolo o Paula vei ira na lotu vaKarisito. Ya na nona uqeti ira e Kolosa: ‘Me laurai na nomuni vakavinavinaka.’

“Koya gona kemuni na turaganilewa, au vakavinavinakataki kemuni ni caka vakavinaka na veilewai qo, o kauaitaki keimami tale ga. . . . Ia au vakavinavinaka sara vakalevu vua na Dauveibuli na Kalou o Jiova, nona tokoni au ena gauna kece qo. E vakanuideitaki au, au vakila tale ga na lomavakacegu.”—Kolosa 3:15.