Ena ika23 ni Okotova 2020, e kaya na mataveilewai Oktyabrsky District Court of Kirov mai Rusia,ni cala o Anatoliy qai totogitaki me sauma e $6,552 na ilavo ni Merika. E soli vua e tini na siga me kerea me rogoci tale nona kisi.

Qo na iotioti ni vosa e cavuta ena doudou o Brother Tokarev ina mataveilewai: “Ratou kaya vei au na ovisa ena gauna ni veilewai: ‘Mo cakitaka nomu vakabauta, ke sega . . . ena kaukaua na kemu itotogi.’ . . . Kemuni na Turaganilewa, ena dua tu ga na ka au tukuna ena imatai ni siga ni noqu veilewai me yacova mai qo. Au na sega vakadua ni cakitaka noqu vakabauta na Kalou. . . . Niu dua na iVakadinadina i Jiova au rawa ni bala e valeniveivesu se vakamatei mada ga, qori e vakavu lomaleqa. Kuria ya, au vakarogorogocataki niu beitaki niu vakavuna na tikoyavavala. Ia au sega ni vinakata meu vakanadakuya na Kalou, kei na nona yalololoma vei au.”