Ena ika18 ni Feperueri 2021, e totogitaki Brother Konstantin Guzev na mataveilewai na Birobidzhan District Court of the Jewish Autonomous Region e Rusia. E vakatatabutaki me rua veimama na yabaki ena vuku ni nona vakabauta. Ena sega ni bala e valeniveivesu ena gauna qo.

Konstantin Guzev

• Sucu: 1964 (Khabarovsk)

• Me baleti koya: E voravora qai daumateni o tamana. Dau via kila tu na inaki ni bula. Ni sega ni saumi nona taro e vakayagataka kina na wainimategaga kei na alakaolo. Ia a tekivu vulica na iVolatabu kei ira na iVakadinadina i Jiova, e saumi tale ga na nona lomatarotaro. E cakava e levu na veiveisau, qai papitaiso ena 2000. E vakamautaki Anastasiya ena 2001

Ena Me 2018, era vaqaqara na vakailesilesi ena vale nei Konstantin. Gauna vata qori, era vaqaqara e 150 na vakailesilesi ena so tale na vale ena siti o Birobidzhan. Ena ika29 ni Julai 2019, era tekivu vaqaqai koya na vakailesilesi. E beitaki ni “tokona na isoqosoqo e vakavuna na tiko yavavala,” ni tuvanaka tiko na soqoni.

E 19 kece na kisi era beitaki kina e 22 na mataveitacini ena yasayasa qori. E wili tale ga kina o Anastasiya na wati Konstantin.

E vakayaloqaqataki rau o Konstantin kei Anastasiya na nodra ivakaraitaki ni yalodina na tacida e Rusia. E kaya o Konstantin: “Au vakadinadinataka sara ga e mataqu, au rogoca tale ga nodra dau kaya eso na tacida yalewa nira rere mera vosa ena mataveilewai. . . . Ia ena veivuke i Jiova kei na nodra veimasulaki na tacida, era doudou kina ni vosa, ra qai tutaka na nodra vakabauta.”

Meda nanumi ira mada ga ena masu o ira na tacida kece e Rusia. Eda nuidei ni na dreve kece na sasaga me vakamalumalumutaka nodra vakabauta. Ni na tiko vata kei ira o Jiova.—Aisea 8:10.