Ena ika30 ni Noveba 2020, e vakataulewataka na mataveilewai na Pervomayskiy District Court of the City of Omsk e Rusia, ni ratou cala o Brother Sergey Polyakov, na watina o Anastasia, o Sister Gaukhar Bektemirova kei Sister Dinara Dyusekeyeva.

Sa bala e valeniveivesu o Brother Polyakov me tolu na yabaki. Ia ratou na sega ni vesu na tacida yalewa, ratou na vakatatabutaki ga me rua ina rua veimama na yabaki. E doudou ni tukuna o Brother Polyakov ina mataveilewai: “Sa parofisaitaka tu o Jisu, nira na kau nona imuri e matadra na iliuliu kei na tui ena vukuna me ivakadinadina. Na parofisai e tukuni qori ena iVolatabu sa vakayacori sara tiko ga ena veilewai qo. Me rawa tale ga kina vei ira eso tale mera mai kila na Kalou ra qai vakatulewataka mera qaravi koya se sega.”—Maciu 10:18.