FEPERUERI 13, 2023
RUSIA

Tusaqati e Tolu na Vuvale

SARAVA/ROGOCA

Ena vakarau tauca na mataveilewai na Dzerzhinsky District Court of Yaroslavl mai Rusia, na lewa me baleti Brother Pyotr Filiznov, Brother Aleksandr Kuznetsov, na watina o Sister Mariya Kuznetsova kei Brother Andrey Vyushin. E se bera ni kerea na dauveibeitaki na kedratou itotogi.

Kedratou iTukutuku

Aleksandr Kuznetsov

Sucu: 1982 (Moscow, Yasayasa o Moscow)

Me baleti koya: E dauveivakavulici ena fika, kei na vosa vakavalagi

Tekivu vulica na iVolatabu ena Epereli 2000. E qoroya na loloma era vakaraitaka na iVakadinadina i Jiova, e papitaiso sara ena 2002

Rau vakamau kei Mariya ena 2017. E laurai ni tauvi koya na kenisa ni oti nona sere mai valeniveivesu

Ka e Tukuna

O marau tiko ga vakacava ni o tauvimate qai vakacacani?

Au dau yalolailai, eso tale ga na gauna au nanuma niu na sega ni vosota rawa. Ia o Jiova e vakarautaka ‘na sala’ meu vosota kina. (1 Korinica 10:13) Au dau masu qai talaucaka vua na lomaqu, eso na gauna au dau tagi niu masu. E vakaukauataki au tale ga noqu dau lagata na noda sere, vuli vakataki au, qai vakasamataka vakatitobu na inuinui. Keirau saga vakaveiwatini me keirau vakayaloqaqataki ira na tacida. Qori e vukei keirau me keirau kua ni vakasamataka vakalevu na ituvaki keirau sotava. Koya e bibi sara, keirau dau mareqeta na sala e vakayagataka kina o Jiova na yalona tabu me vakacegui keirau.

Andrey Vyushin

Sucu: 1975 (Yaroslavl, Yaroslavl Region)

Me baleti koya: E susu vei nona Na kei buna. E cakacaka ena tabana ni kompiuta. E qaravi tinana e tautauvimate

E kilai ira na iVakadinadina i Jiova vei dua nona itokani sa vulica tiko na iVolatabu. Era sauma nona lomatarotaro, e raica tale ga nira muria na ka era vakavulica. Papitaiso ena 1995

Rau vakamau kei Anastasiya ena 2013. E dua na luvedrau yalewa

Ka e Tukuna

Drau vakayaloqaqataki ira vakacava eso tale ena ka drau sotava vakaveiwatini?

E uqeti keirau vakalevu nona ivakaraitaki ni vosota o Dennis Christensen. O koya na imatai ni tacida me vesu ena 2017, ia e yalovinaka tu ga. Keirau vuli sara ga ena nona ivakaraitaki. Gauna qo keirau dau vakayaloqaqataki ira na tacida, keirau na tukuna tale ga vei ira mera kua ni rerevaka na ka ena rairai sega ni yaco. Mera kua tale ga ni rerevaka na veivakacacani, mera vakayagataka ga na gauna qori mera vaqaqacotaka kina nodra vakabauta.

Me vakataki ratou na tacida qo, eda nuidei nida na dua tale ga vei ira na ‘nuitaki Jiova qai sega ni yavalati.’—Same 125:1.

Veitaravi ni Gauna

Epereli 13, 2021

Vesu ni oti nodra vaqaqara na vakailesilesi e nodratou vale
Epereli 15, 2021

Ratou vesu me wawa veilewai
Julai 14, 2021

Ratou sere qai vakatabui me ratou gole ina dua tale na vanua
Seviteba 9, 2022

Tekivu nodratou veilewai

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU