Sa vakarau tauca na mataveilewai ni yasana na Leninskiy District Court e Rusia, na lewa me baleti Sister Galina Parkova. a Ratou kerea na dauveibeitaki me vakatatabutaki me tolu na yabaki.

Galina Parkova

• Sucu: 1970 (Kaltan)

• Kena italanoa: Vakamau kei Aleksandr ena 1990. Tolu na luvedrau yalewa, rua tale ga na makubudrau. Rau vulica na iVolatabu kei ira na iVakadinadina i Jiova. Papitaiso ena 1995. Taleitaka na lagasere kei na droini

Ena ika6 ni June 2019, era vaqaqa na vakailesilesi na nona kisi. Ia sa vesu tu na watina o Aleksandr qai wawa veilewai.

E dredre me sasagataka o Galina na ka vakailavo me bula kina ni sa vesu tu o watina. Kuria ya, era sogota na vakailesilesi nona kad ni baqe sega ni rawa gona me vakayagataka nona ilavo, okati kina na nona veisaumi. Sa cegu mai na nona cakacaka, sa cakava tu ga eso na ka lalai me rawa ni bula kina.

O ira na tacida e Rusia era ‘tamata yalododonu, [na ka e yacovi ira] e dodonu me yacovi ira na daucaka ca.’ (Dauvunau 8:14) Ia na nodra vakabauta e vakayaloqaqataki keda meda dei tiko ga se vacava na dredre eda na sotava.